عالمی چمپئن پی وی سندھو نے آل انگلینڈ اوپن چمپئن شپ میں فاتحانہ آغاز کرتے ہوئے دوسرے راؤنڈ میں جگہ بنا لی ہے جبکہ سائنا نہوال پہلے راؤنڈ کے میچ کے دوران ریٹائر ہرٹ ہوگئیں۔

 نئی دہلی،(ایجنسی):عالمی چمپئن پی وی سندھو نے آل انگلینڈ اوپن چمپئن شپ میں فاتحانہ آغاز کرتے ہوئے دوسرے راؤنڈ میں جگہ بنا لی ہے جبکہ سائنا نہوال پہلے راؤنڈ کے میچ کے دوران ریٹائر ہرٹ ہوگئیں۔اپنے پہلے دور کے مقابلے میں پی وی سندھو نے ملائیشیا کی سونیا چیہ کو ۱۱۔۲۱،۱۷۔۲۱؍ سے شکست دی۔ وہیں دوسری جانب لندن اولمپک میں کانسے کا تمغہ جیتنے والی ہندوستانی بیڈمنٹن کھلاڑی سائنا نہوال اپنے پہلے راؤنڈ کے مقابلے میں سوئزرلینڈ کی میا بلڈفیلڈ کے خلاف زخمی ہونے کے سبب ہٹ گئیں۔جس وقت سائنا نے میچ چھوڑا اُس وقت وہ ۸۔۲۱ ؍اور ۴۔۱۰؍سے پیچھے تھیں۔  مردوں کے سنگلز مقابلوں میں ہندوستان کے ایچ ایس پرنئے، لکشیہ سین، سمیر ورما اور سائی پرنیت نے دوسرے راؤنڈ میں داخلہ حاصل کر لیا ۔