اٹالین اوپن میں اسپینی کھلاڑی نے دوسان لاجووچ کو شکست دی جبکہ جوکووچ نے کرزینووچ کو ہرادیا
EPAPER
Updated: September 20, 2020, 12:35 PM IST | Agency | Rome
اٹالین اوپن میں اسپینی کھلاڑی نے دوسان لاجووچ کو شکست دی جبکہ جوکووچ نے کرزینووچ کو ہرادیا
دنیا کے نمبر ایک کھلاڑی اور ٹاپ سیڈ یافتہ سربیا کے نوواک جوکووچ اور دفاعی چمپئن اسپین کے رافیل ندال نے جمعہ کو مسلسل سیٹوں میں اپنے اپنے مقابلے جیت کر اٹالین اوپن ٹینس ٹورنامنٹ کے کوارٹرفائنل میں داخلہ حاصل کرلیا۔
نوواک جوکووچ نے اپنے ہم وطن فلپ کرزینووچ کو ۶۔۷، ۳۔۶؍سے ہراد یا جبکہ رافیل ندال نے سربیا کے کھلاڑی دوسان لاجووچ کو۱۔۶، ۳۔۶؍ سے شکست دے کر آخری ۸؍ میں جگہ بنائی۔
۴؍ مرتبہ کے اٹلی کے اوپن چمپئن نوواک جوکووچ نے مسلسل۱۴؍ ویں سال ٹورنامنٹ کے کوارٹر فائنل میں داخلہ حاصل کیا ہے۔ نوواک جوکووچ کی اے ٹی پی ماسٹرس۱۰۰۰؍ ٹورنامنٹس میں ۶۱؍ میچوں میں۵۲؍ ویں جیت تھی۔ اس سال ۲۹؍ میچوں میں یہ ۲۸؍ویں جیت ہے۔ سربیائی جوکووچ کا اگلا مقابلہ جرمنی کے ڈومینک کوفر سے ہوگا۔
اس سے قبل موسیتی نے۳؍ مرتبہ کے گرینڈ سلیم چمپئن اور دنیا کے سابق نمبر۳؍ کھلاڑی سوئزرلینڈ کے اسٹانسلاس واورنکا کو پہلے راؤنڈ میں جاپان کے تجربہ کار کھلاڑی کیئی نشیکوری کو دوسرے راؤنڈ میں شکست دی تھی۔
رافیل نڈال کا آخری ۸؍ میں ارجنٹائنا کے ڈیگو شرواٹزمین سے مقابلہ ہوگا۔ چوتھی سیڈ یافتہ اٹلی کے ماتوو بیریٹنی نے اپنے ہم وطن کھلاڑی اسٹیفنو ٹریواگالیا کو شکست دے کر آخری ۸؍ میں جگہ بنائی ہے ان کا مقابلہ ناروے کے کیسپر روڈ سے ہوگا۔ کینیڈا کے ڈینس شاپووالوو اور گریگور دمترووف بھی کوارٹرفائنل میں پہنچ گئے ہیں۔رافیل ندال نے کہاکہ یہ ٹورنامنٹ فرینچ اوپن کی تیاری کیلئے بہت اچھا ہے اور اس میں کھیل کر مجھے بہت خوشی ہورہی ہے۔ تقریباً ۶؍ماہ کے بعد کورٹ پر واپسی ہوئی ہے اور ٹینس کھیلنے میں مزہ آرہا ہے۔