سوفی ڈیوائن نے کینٹربری میں کھیلے جانے والے میچ میں شاندار کارکردگی کا مظاہرہ کرتے ہوئے انگلینڈ کے خلاف نیوزی لینڈ کی ۱۴؍ رن کی جیت میں اہم کردار ادا کیا۔

سوفی ڈیوائن نے کینٹربری میں کھیلے جانے والے میچ میں شاندار کارکردگی کا مظاہرہ کرتے ہوئے انگلینڈ کے خلاف نیوزی لینڈ کی ۱۴؍ رن کی جیت میں اہم کردار ادا کیا ۔۳۶؍ سالہ اسٹار بلے باز نے۵۷؍ گیندوں پر ناٹ آؤٹ ۸۷؍ رن کی اننگز کھیلی، جو انگلینڈ کے خلاف ان کا اب تک کا سب سے بڑا اسکور ہے۔ ان کی اس بہترین بلے بازی کی بدولت نیوزی لینڈ نے پہلی اننگز میں ۵؍وکٹوں کے نقصان پر۱۷۰؍ رن کا مضبوط اسکور بنایا۔ 

Series levelled in Canterbury 😮‍💨

After an excellent 159-run partnership between Sophie Devine & Maddy Green, the bowlers backed it up with Nensi Patel taking 2-25 and a run out.#ENGvNZ 📷 = @photosportnz pic.twitter.com/8dLJ07FUDy

— WHITE FERNS (@WHITE_FERNS) May 23, 2026

اس سے قبل، اننگز کے آغاز میں لارین بیل اور لنسی اسمتھ نے عمدہ گیند بازی کرتے ہوئے نیوزی لینڈ کے ٹاپ آرڈر کو جھنجھوڑ کر رکھ دیا تھا اور ٹیم کا اسکور محض۱۱؍ رن پر ۴؍ وکٹ ہو گیا تھا۔ اس نازک موڑ پر ڈیوائن نے میڈی گرین (ناٹ آؤٹ ۵۶؍رن) کے ساتھ مل کر ۱۵۹؍ رن کی ریکارڈ شراکت داری (پارٹنرشپ) قائم کر کے اننگز کو سنبھالا۔ یہ ویمنز ٹی ۲۰؍ انٹرنیشنل میں نیوزی لینڈ کی جانب سے کسی بھی وکٹ کے لیے اب تک کی سب سے بڑی شراکت داری ہے۔ اس کے علاوہ، یہ تمام ٹی ۲۰؍ انٹرنیشنل میچوں میں پانچویں وکٹ کے لیے دوسری سب سے بڑی پارٹنرشپ ہے۔

یہ بھی پڑھئے:تھلاپتی وجے: ایک فلمی فنکار جو خوابوں کو تعبیر عطا کرنے کا ہنر جانتا ہے

بعد میں، نینسی پٹیل (۲۵/۲) نے میلی کیر (۲۸/۱)، لیہ تاہوہو (۳۲/ایک) اور بری ایلنگ (۲۷/ایک) کے ساتھ مل کر گیند بازی میں اہم کردار ادا کیا اور اس بات کو یقینی بنایا کہ نیوزی لینڈ کی ٹیم یہ میچ جیت کر سیریز برابر کرنے میں کامیاب رہے۔ پہلے ٹی ۲۰؍ میچ میں ۷؍ وکٹوں سے ہارنے کے بعد حاصل ہونے والی یہ فتح آئی سی سی ویمنز ٹی ۲۰؍ ورلڈ کپ ۲۰۲۶ء کے لیے نیوزی لینڈ کی تیاریوں کو مزید مضبوط کرے گی چونکہ یہ ٹورنامنٹ بھی انگلینڈ میں ہی کھیلا جا رہا ہے، اس لیے اس جیت سے ٹیم کے اعتماد میں مزید اضافہ ہوگا۔

یہ بھی پڑھئے:جاپان: نصف سے زائد معمر خواتین کا تعلقات کیلئے انسانوں کی بجائےاے آئی سے مشورہ

ٹی ۲۰؍ ورلڈ کپ کے اپنے پہلے میچ میں نیوزی لینڈ کا مقابلہ ۱۳؍ جون کو ساؤتھمپٹن میں ویسٹ انڈیز سے ہوگا۔ ڈیوائن کا فارم میں آنا نیوزی لینڈ کے لیے انتہائی اہم ہے کیونکہ اس مایہ ناز کھلاڑی نے ٹورنامنٹ کے بعد انٹرنیشنل کرکٹ سے ریٹائر ہونے کا فیصلہ کیا ہے، اور وہ اپنے کیریئر کا اختتام دوسرے ٹی ۲۰؍ ورلڈ کپ کے اعزاز کے ساتھ کرنا چاہیں گی۔