ہندوستانی تلوار باز بھوانی دیوی نے اپنے اولمپک کی شروعات کا پراعتماد آغاز کیا اور پیر کو یہاں ٹوکیو اولمپک گیمز میں خواتین کے انفرادی ایونٹ میں تیونیشیا کی نادیہ بن عزیزی کو۳۔۱۵؍ سے شکست دے کر دوسرے مرحلے میں داخل ہوگئیں۔

ہندوستانی تلوار باز بھوانی دیوی نے اپنے اولمپک کی شروعات کا پراعتماد آغاز کیا اور پیر کو یہاں ٹوکیو اولمپک گیمز میں خواتین کے انفرادی ایونٹ میں تیونیشیا کی نادیہ بن عزیزی کو۳۔۱۵؍ سے شکست دے کر دوسرے مرحلے میں داخل ہوگئیں۔ لیکن اگلے راؤنڈ میں انہیں فرانس کی کھلاڑی سے شکست کا سامنا کرنا پڑا۔ جس کی وجہ سے ان کا سفر ٹوکیو اولمپکس میں ختم ہوگیا ۔ خیال رہے کہ چنئی کی رہائشی بھوانی دیوی اولمپکس کیلئے کوالیفائی کرنے والی پہلی ہندوستانی تلوار باز ہیں۔ اگرچہ ٹوکیو میں ان کا سفر ختم ہوا ، لیکن شکست کے بعد بھی  بھوانی نے فینسنگ  میں تاریخ رقم کردی ہے۔ بھوانی دیوی اولمپکس میں   فینسنگ میں پہلا میچ جیتنے والی ہندوستان کی پہلی ایتھلیٹ بن گئی ہیں۔ دوسرے مرحلے میں بھوانی دیوی کو فرانس کی عالمی نمبر ۳؍ مینن بیونیٹ  نے سخت مقابلہ دیا اور بالآخر انہیں ۷۔۱۵؍ سے شکست کا سامنا کرنا پڑا۔ دونوں کے مابین یہ میچ۹؍ منٹ۴۲؍ سیکنڈ تک جاری رہا تھا۔ اگرچہ بھوانی ٹوکیو میں زیادہ لمبا سفرطے نہیں کرسکیں  ، لیکن اولمپکس میں میچ جیت کر انہوں نے وہ کارنامہ انجام دیا ہے جس پر سالوں سال  رشک کیا جائے گا۔بھوانی  جو اولمپکس کے لئے کوالیفائی کرنے والی پہلی ہندوستانی تلوار باز ہیں ، نے شروع سے ہی جارحانہ انداز اپنایا۔ انہوں نے عزیزی کے کھلے اسٹانس کا فائدہ اٹھایا۔ اس سے انہیں  پوائنٹس اسکور کرنے میں مدد ملی۔