ہندوستان کی لیجنڈری جمناسٹ دیپا کرماکر نے پیر کو کھیلوں سے ریٹائرمنٹ کا اعلان کردیا۔ دیپا۲۰۱۶ء کے ریو اولمپکس میں کانسہ کا تمغہ کم فرق سے جیتنے سے محروم رہ گئی تھیں۔

ہندوستان کی لیجنڈری جمناسٹ دیپا کرماکر نے پیر کو کھیلوں سے ریٹائرمنٹ کا اعلان کردیا۔ دیپا۲۰۱۶ء کے ریو اولمپکس میں کانسہ کا تمغہ کم فرق سے جیتنے سے محروم رہ گئی تھیں۔ ۳۱؍ سالہ دیپا، جو اولمپکس میں شرکت کرنے والی ہندوستان کی پہلی خاتون جمناسٹ بن گئی ہیں، ریو اولمپکس کے والٹ ایونٹ میں چوتھے نمبر پر رہیں اور صرف۰ء۱۵؍ پوائنٹس سے کانسہ کا تمغہ نہیں جیت سکیں۔ جمناسٹ دیپا نے بیان میں کہاکہ `بہت غوروخوض کے بعد میں نے مسابقتی جمناسٹک سے ریٹائرڈ ہونے کا فیصلہ کیا ہے۔ یہ کوئی آسان فیصلہ نہیں ہے لیکن میرے خیال میں یہ صحیح وقت ہے۔ انہوں نے کہا کہ جمناسٹک میری زندگی کا مرکز رہا ہے جب سے مجھے یاد ہے اور میں اتار چڑھاؤ اور درمیان میں آنے والے ہر لمحے کے لئے شکر گزار ہوں۔ 
  تجربہ کار جمناسٹ دیپا کرماکر کی کامیابیاں : ریو اولمپکس۲۰۱۶ء: دیپا والٹ ایونٹ میں چوتھے نمبر پر رہیں، اولمپکس میں ہندوستانی خاتون جمناسٹ کی جانب سے حاصل کردہ سب سے زیادہ پوزیشن۔ کامن ویلتھ گیمز۲۰۱۴ء: انہوں نے گلاسگو میں منعقدہ گیمز میں والٹ ایونٹ میں کانسہ کا تمغہ جیتا، جس سے ان کی بین الاقوامی شناخت قائم ہوئی۔ ایشین چمپئن شپ: دیپا نے۲۰۱۵ء میں بھونیشور میں منعقدہ ایشین چمپئن شپ میں گولڈ میڈل جیتا تھا۔