EPAPER
Updated: September 11, 2020, 7:31 PM IST | Mumbai
برازیل کا یوم آزادی ’’سیتے دی ستمبرو‘‘ بھی کہلاتا ہے۔یہ ہر سال ۷؍ ستمبر کو منایا جاتا ہے۔
برازیل کا یوم آزادی ’’سیتے دی ستمبرو‘‘ بھی کہلاتا ہے۔یہ ہر سال ۷؍ ستمبر کو منایا جاتا ہے۔ ۷؍ ستمبر ۱۸۲۲ء کو برازیل نے یونائیٹڈ کنگڈم آف پرتگال، برازیل اینڈ دی الگاروس سے علاحدہ ہونے کا اعلان کیا تھا۔ ۱۸۰۸ء میں فرانسیسی فوجیوں نے بادشاہ نپولین بوناپارٹ کی زیرقیادت پرتگال پر اس وقت حملہ کردیا تھا جب انتقام کے طور پر ایبیرین ملک نے برطانیہ کے خلاف تجارتی پابندی میں حصہ لینے سے انکار کردیا تھا۔ اس دوران پرتگالی بادشاہوں نے پرتگالی عدالت کو لزبن سے اُس وقت کے نوآبادیاتی برازیل کے دارالحکومت ریو ڈی جنیرو منتقل کردیا تھا۔ ۱۸۱۵ء میں پرنس ریجنٹ جان ششم نے برطانیہ، پرتگال، برازیل اور الگاروس کی سلطنت تشکیل دی تھی ، جس نے برازیل کو بادشاہی کے درجے پر پہنچایا اور اس کی انتظامیہ کی آزادی میں اضافہ کیا۔ برازیل کی آزادی کیلئے برازیل ، پرتگال اور عظیم برطانیہ تینوں اہم شراکت دار تھے۔ برازیل کی آزادی بالآخر پرتگال کے خلاف تین سال کی جنگ کے بعد سفارت کاری کے ذریعے حاصل ہوئی۔اس دن ملک بھر میں تعطیل ہوتی ہے اور مختلف اداروں کی جانب سے تقریبات کا انعقاد کیا جاتا ہے۔ برازیل کے کئی شہروں میں فوجی پریڈ کرتے ہیں ۔ برازیلیا میں صدر کی موجودگی میں فوج پریڈ کرتی ہے۔ صدر فوج کا کمانڈر اِن چیف ہوتا ہے۔ ہر سال اس تقریب میں تقریباً ۳۰؍ ہزار افراد شرکت کرتے ہیں ۔ چند دیگر ممالک بھی برازیل کا یوم آزادی مناتے ہیں ۔