سرکاری بینک میں آفیسر بننے کے خواہشمند امیدواروں کیلئے بہترین موقع سامنے آیا ہے۔

سرکاری بینک میں آفیسر بننے کے خواہشمند امیدواروں کیلئے بہترین موقع سامنے آیا ہے۔ بینک آف انڈیا نے ’جی بی او  اسٹریم‘ کے تحت ’کریڈٹ آفیسرز‘ کی ۷۷۹؍اسامیوں کیلئے پربھرتی کا اعلان کیا ہے۔اس بھرتی کا تفصیلی نوٹیفکیشن بینک کی  ویب سائٹ bankofindia.bank.inپر جاری کر دیا گیا ہے۔ جو امیدوار طویل عرصے سے سرکاری بینک میں ملازمت کی تیاری کر رہے ہیں، ان کے لیے یہ ایک بہترین موقع ہے۔ اگر درخواست گزاروں کی تعداد کم رہی اور تحریری امتحان منعقد نہ کیا گیا تو امیدواروں کا انتخاب براہِ راست انٹرویوکی بنیاد پر بھی کیا جا سکتا ہے۔

موقع کیا ہے؟:بینک آف انڈیا نے یہ بھرتی کریڈٹ آفیسر (جی بی او اسٹریم )کے ۳؍ اسکیل کے لئے نکالی ہے:

MMGS-II، MMGS-III، SMGS-IV

ان زمروں میں مجموعی طور پر۷۷۹؍ اسامیاں پُر کی جائیں گی۔

کون درخواست دے سکتا ہے؟:

کریڈٹ آفیسر (MMGS-II): کسی تسلیم شدہ یونیورسٹی سے کم از کم۶۰؍ فیصد نمبروں کے ساتھ گریجویشن۔سی اے، سی ایم اے -آئی سی ڈبلیو اے، یا سی ایف اے کی ڈگری بھی قابل قبول ہے۔  بطور آفیسر کم از کم۳؍ سال کا متعلقہ تجربہ۔عمر ۲۵؍ سے۳۲؍سال کے درمیان ہو۔

کریڈٹ آفیسر (MMGS-III): گریجویشن میں ۶۰؍فیصد نمبرات۔ کم از کم۵؍ سال کا پوسٹ کوالی فکیشن تجربہ۔  ان میں سے۳؍ سال  کا تجربہ MSME کریڈٹ، کمرشل کریڈٹ، پروجیکٹ کریڈٹ، پروجیکٹ فنانس، مڈ/لارج کریڈٹ یا کسی شیڈولڈ کمرشل بینک، مالیاتی ادارے یا این بی ایف سی  میں ہونا ضروری ہے۔عمر ۲۸؍ سے ۳۸؍سال کے درمیان ہو۔ 

کریڈٹ آفیسر (SMGS-IV):گریجویشن میں۶۰؍ فیصد نمبرات۔ کم از کم۷؍سال پوسٹ کوالی فکیشن تجربہ۔  مطلوبہ تجربے کے ساتھ سی اے، سی ایم اے آئی سی ڈبلیو اے، یا سی ایف اے رکھنے والے امیدوار بھی درخواست دے سکتے ہیں۔ عمر۳۲؍ سے۴۵؍سال۔

 انتخاب کا طریقۂ کار:بینک آف انڈیا درخواست گزاروں کی تعداد کے مطابق آن لائن تحریری امتحان یاپرسنل انٹرویو کے ذریعے امیدواروں کا انتخاب کرے گا۔امیدواروں کے تعلیمی ریکارڈ، اسناد اور تجربے کی بنیاد پر ابتدائی شارٹ لسٹنگ کی جائے گی۔

خیال رہےکہ عمر کی حد۲۵؍ سے۴۵؍سال (عہدے کے مطابق)۔تنخواہ۶۴؍ہزار سے ایک لاکھ ۲۰؍ہزار روپے کے درمیان (سرکاری پے اسکیل ) کے مطابق ہوگی۔

 درخواست فیس: ایس سی ، ایس ٹی ، پی ڈبلیو ڈی امیدوار کیلئے ۱۷۵؍ روپے، جنرل ، اوبی سی امیدوار کیلئے ۸۵۰؍ روپے۔ 

اس بھرتی سے متعلق مزید معلومات کے لیے امیدوار بینک آف انڈیا کی ویب سائٹ ملاحظہ کر سکتے ہیں۔

bankofindia.bank.in

۲۰؍جولائی ۲۰۲۶ء آن لائن درخواست کی آخری تاریخ