’’مصاحبین کا کلچر‘‘ نشانے پر،پریہ درشن نے کہا اسرانی کو ان سے کم معاوضہ ملتا تھا

ہدایت کار پریہ درشن نے بالی ووڈ میں رائج ’’مصاحبین کے کلچر‘‘ کو شدید تنقید کا نشانہ بناتے ہوئے اسے انڈسٹری کی ’’سب سے بری چیز‘‘ قرار دیا ہے۔ ان کے مطابق بڑے ستارے درجنوں افراد کے ساتھ سیٹ پر آتے ہیں، جس سے نہ صرف بجٹ بڑھتا ہے بلکہ فلم سازی کا عمل بھی متاثر ہوتا ہے۔ انہوں نے یہ بھی کہا کہ کئی مواقع پر ان وفود کے ارکان سینئر اداکاروں جیسے اسرانی سے زیادہ معاوضہ حاصل کرتے ہیں۔