بالی ووڈ کے شہنشاہ امیتابھ بچن نےاپنی مشہور فلم’شہنشاہ‘کی جیکٹ سعودی شاعر اور پروڈیوسر کو تحفے میں دے دی۔

بالی ووڈ کے شہنشاہ امیتابھ بچن نےاپنی مشہور فلم’شہنشاہ‘کی جیکٹ سعودی شاعر اور پروڈیوسر کو تحفے میں دے دی۔ خبروں کے مطابق امیتابھ بچن نے فلم شہنشاہ میں پہنی ہوئی اسٹیل کے بازوسےبنی خاص جیکٹ اپنے سعودی دوست ترکی العلشیخ کو تحفے میں دے دی۔ترکی العلشیخ نے ٹویٹرپر فلم شہنشاہ کی تصویر شیئر کرتے ہوئے امیتابھ بچن کو اس خصوصی تحفے کیلئے شکریہ ادا کیا۔ انہوں نے  امیتابھ کی تعریف میں لکھا کہ امیتابھ بچن نہ صرف ہندوستان بلکہ پوری دنیا کیلئے قابل فخر شخصیت ہیں۔جس کے جواب میں امیتابھ بچن نےاپنے ٹویٹ میں لکھا کہ ’’میرے پیارے اور سب سے زیادہ خیال رکھنے والے دوست یہ میرے لئے اعزاز کی بات ہے کہ آپ کو اسٹیل کے  بازو والی جیکٹ کا تحفہ موصول ہوگیاہےجو میں نے اپنی فلم شہنشاہ میں پہنی تھی۔کسی دن میں آپ کو بتاؤں گا کہ میں نے اسے کیسے حاصل کیا تھا۔‘‘فلم شہنشاہ۱۲؍فروری ۱۹۸۸ءکوریلیز ہوئی تھی جس نے ہندوستان سمیت دنیابھرسےخوب داد سمیٹی تھی اور اس فلم میں امیتابھ بچن کےکردار کو شائقین کی جانب سے بےحد پسند کیا گیا تھا۔یاد رہے کہ ترکی العلشیخایک سعودی پروڈیوسر، شاعر اور یو ڈی المیریا فٹ بال کلب کے مالک ہیں اور امیتابھ بچن کے خاص دوست بھی ہیں۔