اداکار کارتک آرین کی فلم ’بھول بھلیاں۲؍ ‘ باکس آفس پر ریلیز  کے۲۷؍ دن بعد بھی کروڑوں روپے کما رہی ہے

اداکار کارتک آرین کی فلم ’بھول بھلیاں۲؍ ‘ باکس آفس پر ریلیز  کے۲۷؍ دن بعد بھی کروڑوں روپے کما رہی ہے۔۲۷؍ دنوں میں اس فلم نے صرف ہندوستان سے ہی۱۷۵؍ کروڑ روپے سے زیادہ کا ریکارڈ توڑ کلیکشن کیا ہے۔ اس کامیابی پر کارتک نے سوشل میڈیا پر پوسٹ شیئر کرتے ہوئے کہا کہ `بھول بھلیاں۲؍ اب ایک تصدیق شدہ بلاک بسٹر فلم بن چکی ہے۔ یہی نہیں یہ فلم کارتک کے کرئیر کی سب سے زیادہ کمائی کرنے والی فلم بھی بن گئی ہے۔ تجزیہ کاروں کا خیال ہے کہ فلم جلد ہی۱۸۰؍کروڑ روپے کا ہندسہ بھی عبور کر لے گی۔ یہ فلم ا وٹی ٹی  پلیٹ فارم نیٹ فلکس پر۱۹؍ جون کو ریلیز کی جائے گی۔
؍۲۷؍ دنوں میں۱۷۵ء۰۲؍کروڑ روپے کمائے
 تجارتی تجزیہ کار ترن آدرش نے سوشل میڈیا پر پوسٹ شیئر کرتے ہوئے کہا کہ۶۵؍ کروڑ کے بجٹ میں بننے والی اس فلم نے چوتھے ہفتے کے چھٹے دن (بدھ) یعنی۲۷؍ویں دن۱ء۲۶؍ کروڑ روپے کما لئے ہیں۔اس سے قبل فلم نے چوتھے ہفتے کے پانچویں دن (منگل)۱ء۲۹؍کروڑ روپے، چوتھے دن (پیر)۱ء۳۰؍کروڑ روپے، تیسرے دن (اتوار)۳ء۴۵؍ کروڑ روپے، دوسرے دن۳ء۰۱؍کروڑ روپے کمائے تھے۔ ہفتے  اور پہلے دن (جمعہ) کو۱ء۵۶؍ کروڑ روپے کر چکے ہیں۔اس کے ساتھ ہی فلم نے گزشتہ ۳؍ہفتوںمیں۱۶۳ء۱۵؍کروڑ روپے کی کمائی کی تھی۔  اس کے ساتھ ہی یہ فلم دنیا بھر میں۲۰۰؍ کروڑ کا ہندسہ عبور کر چکی ہے۔ ترن نے اس فلم کو بلاک بسٹر بھی کہا ہے۔
فلم۱۹۰؍ کروڑ کا ہندسہ بھی عبور کر لے گی
  تجزیہ کاروں کا خیال ہے کہ فلم جلد ہی ہندوستان میں۱۹۰؍ کروڑ روپے کا ہندسہ عبور کر لے گی۔ `دی کشمیر فائلز اور `سوریاونشی کے بعد `بھول بھلیاں۲؍ بھی کورونا کے دور میں۱۷۵؍ کروڑ کا ہندسہ عبور کرنے والی بالی ووڈ کی تیسری فلم بن گئی ہے۔ اس فلم سے پہلے۲۰۱۸ء میں ریلیز ہونے والی فلم کارتک کی فلم ’ `سونو کے ٹیٹو کی سویٹی ‘۱۵۰؍ کروڑ روپے سے زیادہ کا کلیکشن  کرنے  والی  ان کے کریئر کی سب سے زیادہ کمائی کرنے والی فلم بنی تھی ۔ بتادیں کہ انیس بزمی کی ڈائریکشن میں بنی `بھول بھلیاں ۲؍ میں کارتک کے علاوہ کیارا اڈوانی، تبو، راجپال یادو اور سنجے مشرا بھی مرکزی کردار میں ہیں۔ یہ فلم۲۰؍ مئی کو سینما گھروں میں ریلیز ہوئی تھی۔