یکتا کپورکا نیا ٹی وی شو ۱۵؍اگست سے دوردرشن پر دکھایا جائےگا۔۱۵؍اگست سے دکھائے جانے والے شو’یہ دل مانگے مور‘ کو پیر سے جمعہ کے درمیان رات ۸؍بجے سے ۳۰:۸؍ تک دکھایا جائےگا

یکتا کپورکا نیا ٹی وی شو ۱۵؍اگست سے دوردرشن پر دکھایا جائےگا۔۱۵؍اگست سے دکھائے جانے والے شو’یہ دل مانگے مور‘ کو پیر سے جمعہ کے درمیان رات ۸؍بجے سے ۳۰:۸؍ تک دکھایا جائےگا۔آزادی کے امرت مہوتسو کے جشن کے موقع پر دوردرشن بھی نئے انداز کے ساتھ ناظرین کے سامنے آئے گا اور ’یہ دل مانگے مور‘اس کڑی میں اہم پروگرام ہے۔
 بالاجی ٹیلی فلمز کی ہیڈ شوبھا کپور کو ’یہ دل مانگے مور‘ سے کافی امیدیں وابستہ ہیں۔انہوںنے کہا کہ وطن عزیز کےلئے  ہمارے جوان ہر مورچے پرقربانی دینے کیلئے ہمیشہ تیار رہتے ہیں۔ہمیں جب بھی موقع ملے ان کی قربانیوں کو یاد کرنا چاہئے۔اسی وجہ سے میں ’یہ دل مانگے مور‘ کے تعلق سے کافی پُرجوش ہوں۔ایکتا کپور اپنے بینر کے تحت ہمیشہ کچھ الگ کرنے کی کوشش کرتی رہتی ہیں۔مجھے امید ہے کہ ان کا نیا شو ناظرین کو کافی پسند آئےگا۔
 ’یہ دل مانگے مور‘ سے جڑے دنیش سنگھ نے بتایا کہ دوردرشن اب الگ انداز میں ناظرین کو محظوظ کرنے کےلئے تیار ہے۔دوردرشن کا لوگو بھی بدل گیا ہے ۔’یہ دل مانگے مور‘ ہمارے ملک کے  فوجی جوانوں پر مبنی کہانی ہے جو ناظرین کی امیدوں پر پوری اترے گی۔ اس شو میں اکشے مہاترے،ٹوینکل پٹیل،سیجل جےسوال، شکتی سنگھ،ارچنا مورے،مانو دوا اورشیفالی رانا جیسے اداکار اپنی اداکاری کا جلوہ بکھیریںگے۔