ہندوستانی سنیما کی لیجنڈ اداکارہ شبانہ اعظمی نے آسٹریلیا کی سرزمین کو ہندوستان کے شاندار ورثے کی علامت ترنگے سے روشن کردیا۔
EPAPER
Updated: August 16, 2023, 11:37 AM IST | Agency | Mumbai
ہندوستانی سنیما کی لیجنڈ اداکارہ شبانہ اعظمی نے آسٹریلیا کی سرزمین کو ہندوستان کے شاندار ورثے کی علامت ترنگے سے روشن کردیا۔
ہندوستانی سنیما کی لیجنڈ اداکارہ شبانہ اعظمی نے آسٹریلیا کی سرزمین کو ہندوستان کے شاندار ورثے کی علامت ترنگے سے روشن کردیا۔ ماضی کی اداکارہ نے میلبورن میں ۲۰۲۳ء کے باوقار انڈین فلم فیسٹیول میں ترنگا لہرایا۔ شبانہ اعظمی آر بالکی کی فلم ’گھومر‘ سے پردہ سیمیں پر جلوہ گر ہونے والی ہیں ، جس کا ورلڈ پریمیر فیسٹیول میں ہوا تھا۔ جیسے ہی میلبورن اسکائی لائن پر ترنگا لہرایا گیا، حاضرین میں حب الوطنی اور اتحاد کے مشترکہ جذبات نظر آئے۔تقریب پر تبصرہ کرتے ہوئے شبانہ اعظمی نے کہا کہ ’’ہندوستانی پرچم لہرانے کا یہ اعزاز حاصل کرنا، وہ جھنڈا جس پر مجھے بہت فخر ہے، وہ جھنڈا جس پر آج ہم سب یہاں ہیں اور میلبورن میں فخر محسوس کرتے ہیں ، یہ ایک شاندار لمحہ ہے۔ یہ ایک ایسا اعزاز ہے جس کا میں تصور بھی نہیں کر سکتی تھی۔ ہم یہاں میلبورن میں ہندوستانی سنیما کا جشن منانے کیلئے موجود ہیں ۔‘‘