بالی ووڈ کی معروف اداکارہ کرینہ کپور خان نے ہالی ووڈ کی معروف اداکارہ کیٹ ونسلیٹ کے ایک مشہور کردار سے متاثر ہوکر فلمساز ہنسل مہتا کی نئی آنے والی فلم میں کام کرنے کا فیصلہ کیاہے
بالی ووڈ کی معروف اداکارہ کرینہ کپور خان نے ہالی ووڈ کی معروف اداکارہ کیٹ ونسلیٹ کے ایک مشہور کردار سے متاثر ہوکر فلمساز ہنسل مہتا کی نئی آنے والی فلم میں کام کرنے کا فیصلہ کیاہے۔کرینہ کپور نے اپنی نئی فلم جس کا نام ممکنہ طور پر ’بکنگھم مرڈرس‘ ہو گا، اس فلم میں کام کرنے کیلئےوہ کیٹ ونسلیٹ کی مشہور سیریز ’میئر آف ایسٹ ٹاؤن‘میں ادا کئے گئے جاسوس کے کردار سے متاثر ہوئیں۔ اُنہوں نے مشہور جریدے ورائٹی کو انٹرویو دیتے ہوئے بتایا کہ میں ہنسل مہتا کے نئے آنے والے پروجیکٹ میں ایک ماں اور جاسوس کا کردار ادا کر رہی ہوں گی جسے بکنگھم شائر کے ایک چھوٹے سے قصبے میں ہونے والے ایک قتل کیس کی تفتیش کرنی ہے۔اُنہوں نے بتایا کہ مجھے سیریز ’میئر آف ایسٹ ٹاؤن‘ بہت پسند ہے۔
