ٹی وی کی کوئن ایکتا کپور نے چھوٹے پردے پر کئی ڈراما سیریز بنائیں جو ہٹ ر ہیں۔

ٹی وی کی کوئن ایکتا کپور نے چھوٹے پردے پر کئی ڈراما سیریز بنائیں جو ہٹ ر ہیں۔ پچھلے سال ایکتا کپور  ریالیٹی شو ’لاک اپ‘ لے کر آئیں جو سب سے زیادہ مشہور ریالیٹی شو کی لسٹ میں شمار ہوگیا تھا۔ لوگوں نے اس شو کو خوب پسند کیا تھا۔ پہلا سیزن ہٹ رہا تھا تو دوسرے سیزن کا بے صبری سے انتظار کیا جارہا ہے۔ لاک اَپ سیزن۲؍ کے تعلق سے کافی بحث جاری ہے۔ اس شو کی جس کی میزبان کنگنا رناوت ہیں، شروعات  ۳۱؍ مارچ  سے ہو سکتی ہے۔ حالانکہ ابھی تک اس کی با ضابطہ تصدیق نہیں ہوئی ہے۔لاک اَپ کے پہلے سیزن کو اوٹی ٹی پر ٹیلی کاسٹ کیا گیا تھا۔پہلا سیزن ایم ایکس پلیئر اور آلٹ بالاجی پر دکھایا گیا تھا۔ حالانکہ ودسرے سیزن کو ٹی وی پر نشر کیے جانے کی خبریں سامنے آرہی ہیں۔ ٹی وی کے علاوہ یہ آن لائن بھی دیکھنے کو ملے گا۔پہلے سیزن میں کرن کندرا جیلر کے طور پر نظر آئے تھے۔ دوسرے سیزن میں دو جیلر ہوسکتے ہیں۔ کرن کندرا کے علاوہ شو میں دوسرے جیلر کے طور پر روبینہ دلیک بھی نظر آسکتی  ہیں۔لاک اَپ کے دوسرے سیزن میں کئی ٹی وی ستاروں کا نام کھلاڑیوں کی لسٹ میں سامنے آرہا ہے۔ کہا جارہا ہے کہ شو میں سوندریہ شرما، عمر ریاض، دیویہ اگروال اور مشہور ریپر ایم وی بنٹائی جیسے ستارے نظر آسکتے ہیں۔ بتادیں کہ لاک اَپ کے پہلے سیزن کو اسٹینڈ اپ کامیڈین منور فاروقی نے جیتا تھا۔