شردھا کپور نے رنبیر کپور کے ساتھ ایک ویڈیو شیئر کیا ہے جس میں دونوں ایک دوسرے کو جھوٹی اور مکار کہتے نظر آرہے ہیں
EPAPER
Updated: December 16, 2022, 1:52 PM IST | Mumbai
شردھا کپور نے رنبیر کپور کے ساتھ ایک ویڈیو شیئر کیا ہے جس میں دونوں ایک دوسرے کو جھوٹی اور مکار کہتے نظر آرہے ہیں
رنبیر کپور اور شردھا کپور کے مداحوں کیلئے خوشخبری ہے۔ جس پل کا مداحوں کوبے صبری سے انتظار تھا وہ پل آ گیا ہے۔ گزشتہ کافی وقت سے رنبیر کپور اور شردھا کپور کےساتھ ان کی آنےو الی فلم کے بارے میں فلم شائقین تازہ جانکاری جاننا چاہ رہے تھے۔تو وہیں حال ہی میں شردھا کپور نے اپنے مداحوں کیلئے ایک ویڈیو شیئر کر کے انہیں تحفہ دیا ہے۔ شردھا کپور نے رنبیر کپور کے ساتھ حال ہی میں ایک ویڈیو شیئر کیا ہے جس میں یہ دونوں ایک دوسرے کو جھوٹی اور مکار کہتے نظر آرہے ہیں۔ گھبرانے والی کوئی بات نہیں ہے کیونکہ ان کے بیچ کوئی لڑائی نہیں ہوئی بلکہ یہ تو ان کی فلم کا ٹائٹل ہے۔ فلم کا ٹائٹل ’تو جھوٹی میں مکار‘ رکھا گیا ہے۔
رنبیر کپور اور شردھا کپور نے اپنی فلم کا اعلان بڑے ہی شاندار انداز میں کیا ہے۔ شردھا کپور نے ٹیزر شیئر کرتے ہوئے فلم کا نام تو ظاہر کیا ہے، ساتھ ہی یہ بھی بتایا کہ یہ فلم سینماگھروں میں کب ریلیز ہوگی۔ شردھا کپور نے اس ٹیزر کو اپنے سوشل میڈیا اکاونٹ پر شیئر کرتے ہوئے کیپشن میں لکھا’’ یہ لیجیے فائنلی فلم کے ٹائٹل کا اعلان ہوچکا ہے۔ ‘‘
بتادیں کہ ’پیار کا پنچنامہ‘، اور ’سونو کے ٹیٹو کی سوئیٹی‘ جیسی فلموں کی ہدایتکاری کرچکے ڈائریکٹر لو رانجھن یہ فلم باکس آفس پر ۲۰۲۳ء میںہولی کے موقع پر ریلیز کرنے جارہے ہیں۔ یہ فلم۸؍ مارچ کو سینما گھروں میں شائقین کو ہنسانے اور گدگدانے آرہی ہے۔ اس چھوٹے سے ٹیزر میں ہی رنبیر اور شردھا کے درمیان بے حدپیاری کیمسٹری دیکھنے کو ملی ہے۔ شردھاکپور اور رنبیر کپور کی اس فلم کو دیکھنےکیلئےشائقین کافی پرجوش نظر آرہے ہیں۔