بالی ووڈ کے مسٹر پرفیکشنسٹ عامر خان اور کرینہ کپور کی آنے والی فلم ’’لال سنگھ چڈھا‘‘ کی ریلیز ملتوی کردی گئی

 بالی ووڈ کے مسٹر پرفیکشنسٹ عامر خان اور کرینہ کپور کی آنے والی فلم ’’لال سنگھ چڈھا‘‘ کی ریلیز ملتوی کردی گئی۔عامر خان اور کرینہ کپور کی فلم ’’لال سنگھ چڈھا‘‘ ہالی ووڈ فلم ’’فوریسٹ گمپ‘‘ کا ہندی ری میک ہے۔ یہ۲۰۲۲ء میں سب سے زیادہ انتظار کی جانے والی فلموں میں  سے ایک ہے۔ فلم رواں سال ۱۴؍اپریل کو ریلیز ہونی تھی لیکن فلم کی ریلیز ملتوی کردی گئی۔عامر خان پروڈکشن  ہاؤس کے آفیشل انسٹاگرام اکاؤنٹ پر فلم کی ریلیز ملتوی کرنے کا اعلان کرتے ہوئے وجہ بتائی گئی کہ فلم مقررہ وقت پر مکمل نہیں کی جاسکی جس کی وجہ سے یہ فلم۱۴؍ اپریل کے بجائے اب۱۱؍ اگست۲۰۲۲ء کو دنیا بھر میں ریلیز کی جائی گی۔واضح رہے کہ فلم ’’لال سنگھ چڈھا‘‘ کی ریلیز کئی بار تاخیر کا شکار ہوچکی ہے۔ اس سے قبل یہ فلم سنجے دت کی فلم ’’کے جی ایف چیپٹر۲‘‘ کے ساتھ ریلیز ہونے والی تھی لیکن عامر خان اور ان کی ٹیم نے اپنی فلم کو سنجے دت کی فلم کے ساتھ ریلیز نہ کئے  جانے کا فیصلہ کیا اور فلم کی ریلیز ملتوی کردی۔