سنجیدہ فلموں کی بہترین اداکارہ رچا چڈھا نے اپنا نیا انسٹاگرام پیج لانچ کیا ہے جس کا نام انہوں نے ’ دی کائنڈریز ‘ رکھا ہے۔ اس پیج کی خصوصیت یہ ہو گی کہ اس کے ذریعہ رِچا کی کوشش ہو گی کہ وہ ملک کے مختلف حصوں میں موجود کووڈ کے گمنام ہیروز کو سامنے لائیں اور ملک کو بتائیں کہ اس مشکل دور میں ان افراد نے کس طرح سے انسانیت کی خدمت کا کام کیا ہے۔
رِچاچڈھا۔تصویر :آئی این این
سنجیدہ فلموں کی بہترین اداکارہ رچا چڈھا نے اپنا نیا انسٹاگرام پیج لانچ کیا ہے جس کا نام انہوں نے ’ دی کائنڈریز ‘ رکھا ہے۔ اس پیج کی خصوصیت یہ ہو گی کہ اس کے ذریعہ رِچا کی کوشش ہو گی کہ وہ ملک کے مختلف حصوں میں موجود کووڈ کے گمنام ہیروز کو سامنے لائیں اور ملک کو بتائیں کہ اس مشکل دور میں ان افراد نے کس طرح سے انسانیت کی خدمت کا کام کیا ہے۔ رِچا عام طور پر سماجی کاموں میں حصہ لیتی رہتی ہیں۔ اس مرتبہ بھی انہوں نے اس بات سےمتاثر ہو کرکمیونٹی پر مبنی یہ انسٹا گرام صفحہ شروع کیا ہےجس کی مد د سے ایسے کووڈ واریئرس کو سامنے لایا جائے گا جنہوں نے اس مشکل دور میں غیر معمولی کام کئے ہیں لیکن ان کی وہ پذیرائی نہیں ہوئی ہے جس کے وہ حقدار تھے۔ رچا چڈھا نے اس بارے میں بتایا کہ’’ میں نے سوشل میڈیا پر دیکھا ہے کہ بہت سے ایسے لوگ ہیں جو کسی کو جانے بغیر ان کی مدد کررہے ہیں، انہیں دوائیاں پہنچارہے ہیں، آکسیجن سلنڈر فراہم کررہے ہیں اور اسپتال تک پہنچانے میں بھی مدد کررہے ہیں۔ یہ تمام باتیں سوشل میڈیا کے ذریعے سامنے آرہی ہیں۔ انہی باتوں سے متاثر ہو کر میں نے بھی سوشل میڈیا کا استعمال کرنے کا فیصلہ کیا اور اس میں انسٹا گرام نے میری کافی مدد کی ہے۔ اب میں کووڈ وارئیرس کی کہانیوں کو سامنے لائوں گی۔ ‘‘