اداکارہ اور سماجی کارکن شبانہ اعظمی نےاپنے والد کیفی اعظمی کی بر سی پر بطور خراج عقیدت یہ شعر اور ایک یاد گار تصویر ٹویٹ کی

 اداکارہ اور سماجی کارکن شبانہ اعظمی نے  اپنے والد کیفی اعظمی کی برسی پر ان  کے  ایک شعر کے ذریعہ  انہیں خراج عقیدت پیش کیا۔ ایک یاد گار تصویر بھی ٹویٹ کی ۔ انہوں نے  ۱۰؍ مئی کو صبح  ۷؍ بج کر ۴۷؍ منٹ پر ٹویٹ کیا ، ’’   بہار آئے تو میرا سلام کہہ دینا =مجھے تو آج طلب کر لیا ہے صحرا نے: کیفی اعظمی ....۲۱؍ سال پہلے آج ہی دن  ۔‘‘  یادرہےکہ کیفی ۱۰؍ مئی ۲۰۰۲ء کو ممبئی میں انتقال کرگئے تھے۔  خبر لکھے جانے تک اس ٹویٹ کو ۵۰۶؍ افراد نے لائک  ہے جبکہ ۴۲؍ افراد نے اسے ری ٹویٹ کیا ہے  جبکہ تقریبا ً ۲۰؍ ہزار افراد اس  سے استفادہ کیا  ہے۔ ایک بڑی تعدا دنے اس پر تبصرہ بھی کیا ہے جس  میں سے صحافی نریندر دوبے کا ایک تبصرہ قابل ذکر ہے۔  انہوں  نے ہیش ٹیگ کیفی اعظمی کے ساتھ ٹویٹ کیا ، ’’ وقت اور حالات کو مکمل لفظ دینے و الے  ، مزدوروں اور محنت کشوں کا در د بیان کرنے والے  عظیم شاعر کیفی اعظمی صاحب کی یادوں کو سلام ، دل کی گہرائیوں سے خراج عقید ت پیش کرتا ہوں ‘‘خبر لکھے جانے تک تک مذکورہ تبصرے کو بھی دو افراد نے پسند کیا۔