حسین امیر عبداللہیان کے مطابق ان کا ملک پرامن مظاہروں نہیں بلکہ دہشت گرد جماعتوںکا سامنا کررہا ہے

انسانی حقوق کونسل کے ۵۲؍ویں اجلاس سے ایران کے وزیر خارجہحسین امیر عبداللہیان نے خطاب کیا۔ا س دوران  انہوں نے دعویٰ کیا کہ ان کا ملک  پرامن مظاہروں نہیں بلکہ دہشت گرد جماعتوں کا سامنا کررہا  ہے۔
 جنیوا میں منعقدہ انسانی حقوق کونسل کےا جلاس کے دوران خطاب کرتے ہوئے انہوں نے مزید کہا ،’’ دہشت گردی کو فروغ دینے والےعناصر کی  مداخلت کے بعد پرامن شہری پرتشدد ہو گئے ہیں۔‘‘
 عبداللہیان نے وضاحت کی کہ مظاہروں کے دوران گرفتار ہونے والے ہر شخص کو رہا کر دیا گیا ہے، حالانکہ  انسانی حقوق کی تنظیموں کے دعوؤں کے مطابق ایران کے جیلوں میں سلاخوں کے پیچھے سیکڑوں قیدی موجود  ہیں۔    پیر کوجنیوا میں اقوام متحدہ کے انسانی حقوق کے اجلاس میں متعدد شرکاء نے ایرانی وزیر خارجہ حسین امیر عبداللہیان کی تقریر کے دوران اجلاس چھوڑ دیا۔ بائیکاٹ کرنے والے مما لک کےمندوبین کا کہنا تھا کہ ایرانی وزیر خارجہ کے خطاب میں بہت سے معاملات پر  غلط بیانی سے کام لیا گیا۔
  اسی دوران منگل کو ایران کے وزیر خارجہ حسین امیر عبداللہیان نے جنیوا میں انڈونیشیا کی وزیر خارجہ رتنو مرسودی  سے ملاقات کی۔   انڈونیشیا کی وزیر خارجہ رتنو مرسودی نے اپنے  ہم منصب سے کہا کہ جکارتہ انسانی حقوق کے معاملات کو دنیا کے آزاد ملکوں کیخلاف سیاسی ہتھکنڈے کے طور پر استعمال کیخلاف ہے۔