آٹھ زخمی ، زمین کے تنازع میںدوسرے فریق نے گاؤںکے غنڈوں کوجوان کے گھر پر بھیجا ،۳؍ بدمعاش گرفتار ،۷؍ اب تک فرار
EPAPER
Updated: May 29, 2023, 12:18 PM IST | Ahmednagar
آٹھ زخمی ، زمین کے تنازع میںدوسرے فریق نے گاؤںکے غنڈوں کوجوان کے گھر پر بھیجا ،۳؍ بدمعاش گرفتار ،۷؍ اب تک فرار
ضلع کے ایک گاؤں میں زمین کے تنازع پر شدید مارپیٹ کا معاملہ سامنے آیا ہے۔گاؤں کے کچھ بدمعاش لوگوںنے ہندوستانی فوج میں کام کرنے والے فوجی کے گھر پر حملہ کردیا جس کے بعد یہاں حالات کشیدہ ہوگئے۔بتایاگیا کہ گاؤں کے غنڈوں نےفوج کے جوان اور اس کے اہل خانہ پیٹا۔ غنڈوںنے خاندان کے ۸؍ افراد کی بے رحمی سے پٹائی کی ۔ اس کے بعد ضلع کی ایم آئی ڈی سی پولیس نے ایف آئی آر درج کرکے معاملے کی جانچ شروع کردی ہے۔ اس معاملے میں اب تک۳؍ لوگوں کو گرفتار کیا جا چکا ہے اور۷؍ ملزم ابھی تک مفرور ہیں۔
دراصل یہ واقعہ۲۳؍ مئی کا ہے، لیکن اب اس کا ویڈیو سامنے آیا ہے۔ جیور گاؤں کے رہنے والے اشوک واگھ کا زمین کا تنازع چل رہا تھا۔ الزام ہےکہ اس تنازع کے دوسرے فریق نے ۸؍ سے ۱۰؍ غنڈوں کولاٹھی، ڈنڈوں اور ہاکی اسٹک کے ساتھ اشوک کے گھر بھیجا تھا ۔
موصولہ اطلاع کے مطابق جیسے ہی وہ اشوک کے گھر پہنچے، انہوں نے اپنے سامنے آنے والے تمام بزرگوں، خواتین، بچوں، لڑکیوں، جوانوں اور عورتوں کو بری طرح پیٹا۔ اس دوران لوگ مدد کے لیے چیختے رہے لیکن کوئی آگے نہیں آیا۔ اشوک واگھ کے خاندان کے کل۸؍لوگ بری طرح زخمی ہوئے ہیں۔
زمین کے تنازع پر فوجی جوان پر جان لیوا حملہ
موصولہ اطلاع کے مطابق اشوک واگھ چھٹی پر گھر آیا تھا۔اس معاملے میںاس کے حریفوںکو جب اس کی خبر ملی توانہوں نے غنڈے جمع کرکے اسے مارنے کیلئے بھیجا ۔ اس حملے میں اشوک واگھ کو کافی نقصان پہنچا ہے۔ اشوک واگھ اور ان کے اہل خانہ کا علاج چل رہا ہے۔پولیس کے مطابق اشوک واگھ راجستھان بیکانیر۶۶؍آرٹلری یونٹ سے وابستہ ہے۔
رشتہ داروں کا کہنا ہے کہ ا شوک واگھ پر لاٹھیوں اور لوہے کی سلاخوں سے حملہ کیا گیا۔ بتایا گیا ہےکہ اشوک کے والد نے یہاں کوئی زمین اپنے نام کرلی ہے۔اسی معاملے میں دوسرا فریق اشوک اوراسکے گھروالوں پر برہم ہے اور انہوں نے اس برہمی کا اظہار اشوک کے گھر والوں پرحملہ کرکے کیا۔ایم آئی ڈی سی پولیس نے حملہ آوروں کے خلاف متعدد دفعات کے تحت ایف آئی آر درج کرکے۳؍ ملزموں کو گرفتار کیا ہے۔ باقی ملزم تاحال مفرور ہیں۔ ایک فوجی جوان کے گھر پر حملے کے بعد علاقے میں کشیدگی ہے۔
-یہ واقعہ۲۳؍ مئی کا ہے، لیکن اب اس کا ویڈیو سامنے آیا ہے۔فوجی جوان اشوک واگھ راجستھان بیکانیر ۶۶؍ آرٹلری یونٹ سے وابستہ ہے۔