مدھیہ پردیش کے سابق وزیراعلیٰ دگ وجے سنگھ نے آج الزام عائد کرتے ہوئے کہا کہ ریاست کی برسراقتدار پارٹی بھارتیہ جنتا پارٹی (بی جے پی) رائے عامہ کو ختم کرنا چاہتی ہے۔ 

 مدھیہ پردیش کے سابق وزیراعلیٰ دگ وجے سنگھ نے آج الزام عائد کرتے ہوئے کہا کہ ریاست کی برسراقتدار پارٹی بھارتیہ جنتا پارٹی (بی جے پی) رائے عامہ کو ختم کرنا چاہتی ہے۔ 

سنگھ نے یہاں صحافیوں سے بات چیت میں کہا کہ ریاست میں ہونے والے ضمنی انتخاب میں سب سے بڑا معاملہ جمہوریت کو بچانا ہے یا ختم کرنا ہے۔ انہوں نے کہا کہ جب تک اراکین اسمبلی کی خرید وفروخت جاری رہے گی ریاست  میں عدم استحکام کا ماحول رہے گا۔ ریاست کے نوجوانوں کو سرکاری ملازمت دینے کے فیصلے پر ، انہوں نے کہا کہ کانگریس کے دور میں ایسا ضابطہ تھا جسے بی جے پی کی سرکار آنے کے بعد ختم کردیا گیا ۔ 

راجیہ سبھا کے رکن اسمبلی نے کہا کہ ابھی تک ریاستی سرکار نے اس سلسلے میں گجٹ نوٹیفکیشن جاری نہیں کیا ہے۔ گجٹ نوٹیفکیشن جاری نہ ہونے تک ہم یقین نہیں کریں گے۔کانگریس ورکنگ کمیٹی کے سلسلے میں  انہوں نے کہا کہ کانگریس کو اگلے چھ ماہ میں نیا صدر مل جائے گا۔ کانگریس ورکنگ کمیٹی (سی ڈبلیو سی) کے اجلاس میں اس سلسلے میں فیصلہ کیاگیا ہے۔