سیاستداں اور اداکارہ کنگنا رناؤت نے اپنے ایکس پوسٹ میں بڑے کا گوشت کھانے کی افواہوں کی تردید کی ہے اور کہا کہ انہیں اپنے ہندو ہونےپر فخر ہے۔ انہوں نے اپنے پوسٹ میں لکھا ہے کہ اس طرح کے ریومرس میرے کردار کو داغدار نہیں کر سکتے ہیں۔

سیاستداں اور اداکارہ کنگنا رناؤت نے ان افواہوں کی تردید کی کہ وہ بڑھے کا گوشت کھاتی ہیں اور کہا کہ انہیں اپنے ہندو ہونے پر فخر ہے۔ انہوں نے اپنے ایکس پوسٹ میں لکھا کہ ’’میں بڑے کا اور دیگر اقسام کے گوشت نہیں کھاتی ہوں۔

یہ بھی پڑھئے: سپریم کورٹ کی کرناٹک میں چار جماعتوں کے بورڈ امتحانات پر روک، نتائج موخر

سوشل میڈیا پر میرے خلاف بے بنیاد ریومرس پھیلائے جا رہے ہیں۔ میں دہائیوں سے یوگک اور آیورویدک طرز زندگی کی وکالت کر رہی ہوں اور اسے ہی فروغ دے رہی ہوں۔ اس طرح کے ریومرس میرے کردار کو داغدار کرنے میں کامیاب نہیں ہوں گے۔

I don’t consume beef or any other kind of red meat, it is shameful that completely baseless rumours are being spread about me, I have been advocating and promoting yogic and Ayurvedic way of life for decades now such tactics won’t work to tarnish my image. My people know me and…

— Kangana Ranaut (Modi Ka Parivar) (@KanganaTeam) April 8, 2024

میرے لوگ مجھے جانتے ہیں اور وہ یہ بھی جانتے ہیں کہ مجھے اپنے ہندو ہونے پر فخر ہے اور انہیں کوئی بھی چیز گمراہ نہیں کر سکتی۔ ’’جے شری رام۔‘‘ خیال رہے کہ کنگنا رناؤت کی جانب سے یہ وضاحت اس وقت سامنے آئی ہے جب سوشل میڈیا پر ان کے ۲۰۱۹ء کو ان کے ٹویٹ کو لے کر قیاس آرائی جاری تھی کہ وہ بڑے کا گوشت کھاتی ہیں۔ تاہم، اس ٹویٹ کی تصدیق نہیں کی جا سکتی۔
۲۰۱۹ء کے ٹویٹ میں لکھا گیا تھا کہ ’’بڑے اور کسی بھی طرح کے گوشت کھانے میں کچھ برائی نہیں ہے۔ یہ کسی مذہب کے تعلق سے نہیں ہے۔ یہ خفیہ نہیں ہے کہ کنگنا ۸؍ سال قبل وجیٹیرین بن گئی تھیں اور انہوں نے یوگی بننے کا انتخاب کیاتھا۔ اب بھی کسی ایک مذہب پر یقین نہیں رکھتی ہیں۔ اس کے برعکس ان کے بھائی بھی گائے کا گوشت کھاتے ہیں۔‘‘

ان الزامات کو تب فروغ حاصل ہوا تھاجب مہاراشٹر میں اپوزیشن لیڈر وجے وڈیٹیوار نے کہا تھا کہ کنگنا رناؤت نے پچھلی مرتبہ بڑے کے گوشت کے تئیں اپنی پسندیدگی کا اظہار کیا تھا اور اسے ان کے بی جے پی کے ساتھ اتحاد سے جوڑنے کی کوشش کی تھی۔واضح رہے کہ کنگنا رناؤت حال ہی میں بی جے پی میں شامل ہوئی ہیں اور وہ ہماچل پردیش کے منڈی سے لوک سبھا انتخابات لڑیں گی۔خیال رہے کہ ان کی فلم ایمرجنسی بھی ریلیز ہونے والی ہے جس میں انہوں نے اندرا گاندھی کا کردار اداکیا ہے۔