سویڈن کے دوسرے سب سے بڑے شہر گوٹ برگ کے لسبرگ پارک کے اوشیانا واٹر پارک میں آتشزدگی کے سبب پورے شہر میں دھواں دھواں ہے۔ پولیس کے مطابق ہلاکت کی اطلاع موصول نہیں ہوئی ہے۔ فائر بریگیڈ حکام نے متاثرہ علاقوں میں عوام سے گھروں میں رہنے کی اپیل کی ہے۔

شمالی ریجن کے بڑے امیوزمینٹ پارکس میںسے ایک لسبرگ میں زیر تعمیر واٹرپارک میں آگ لگنے کے سبب سویڈن کے سب سے بڑے شہر گوٹ برگ میں دھواں ہی دھواں تھا۔آگ آہستہ آہستہ حال ہی میں کھولی گئی واٹر سلائیڈس میں پھیل گئی اور ٹیوب واٹر سلائیڈس کے بڑے حصوں کو تباہ کر دیاجن میں ایک ۱۳؍ میٹر کی گہرائی والی واٹر سلائیڈ بھی شامل ہے۔فوری طورپر پولیس یا فائر حکام یہ نہیں بتا سکتے کہ حادثے کی وجہ سے اموات ہوئی ہیں یا نہیں۔ایمیلی ونبرگ ، جو این سی سی گروپ کی ترجمان ہیں جو اس تعمیر کا جنرل کانٹریکٹر ہے، نے سویڈن کے بروڈ کاسٹر ایس وی ٹی کو بتایا کہ سب کانٹریکٹر کچھ نصب کر رہے تھے جب یہ آتشزدگی شروع ہوئی۔فائربریگیڈ نے متاثرہ علاقوں کے عوام سے گھروں میں رہنے، دروازوں اور کھڑکیوں کو بند رکھنے اور مقامی ریڈیو کو سننے کی اپیل کی ہے۔جائے وقوع پر پولیس اور فائر بریگیڈ کا عملہ موجود ہے۔پارک کےقریبی ہوٹل اوردفاتر بھی خالی کروائے گئےہیں۔

A serious fire has broken out in Gothenburg, Sweden, at the Liseberg water park.
Unopened slides engulfed the area, forcing the evacuation of nearby buildings.

The cause is unknown.#GothenburgFire #Sweden #BreakingNews #Liseberg #Evacuation pic.twitter.com/1kQqIuQyyv

— Europe Cognizant (@EuropeCognizant) February 12, 2024

۲ء۱؍ بلین کرونر کے اوشیانا واٹر پارک میں آگ لگی ہے جس کا افتتاح امسال گرمی کے موسم میں ہونے والا تھا۔سویڈن کے دوسرے بڑے شہر میں واقع لسبرگ پارک کا افتتاح ۱۹۲۳ء میں ہوا تھا۔ یہ عوام میں مقبول سیاحتی مقام ہے ۔ امسال ۳؍ ملین سےزائد افراد یہاں کا دورہ کرتے ہیں۔
اوشیانا گوٹ برگ کی تاریخ سے متاثرہو کر بنایا گیا ہے۔ سویڈن کے دوسرے سب سے بڑے شہر گوٹ برگ کی بنیاد ۱۶۲۱ء میں کنگ گستاو دوم ایڈلف نے ڈالی تھی۔ یہ سویڈن کا اہم تجارتی مرکز بن گیا ہے۔ تعمیر کے بعد اوشیاواٹر پارک میں ۶؍ ہزار مربع میٹر کا اندرونی سوئمنگ ایریا جبکہ ۴؍ہزار مربع میٹر بیرونی سوئمنگ ایریا کے لئے مختص کیا جانا ہے۔ یہاں ریستوراں او رہوٹل تعمیر کرنے کے بھی منصوبے ہیں۔ ایک ہزار ۷۵۰؍ افراد اس واٹر پارک کا دورہ کر سکتے ہیں۔ گزشتہ ماہ اوشیانا واٹر پارک کے سوئمنگ پولس میں پانی بھرنے کی شروعات ہوگئی تھی۔