اتراکھنڈ کے وزیر اعلیٰ ترویندر سنگھ راوت نے منگل کے روز استعفیٰ دے دیا۔ انہوں نے اپنا استعفیٰ نامہ گورنر بےبی رانی موریہ کو سونپ دیا ہے۔ ذرائع کے مطابق ریاست کے نئے وزیر اعلیٰ کا اعلان کل یعنی بدھ کے روز کیا جائے گا۔ قابل ذکر ہے کہ تقریباً ایک برس سے راوت کو تبدیل کرنے کی باتیں ہو رہی تھیں۔ گزشتہ دو دنوں میں ریاست میں تیزی سے بدلتے سیاسی حالات کے درمیان بھارتیہ جنتا پارٹی (بی جے پی) کے مشاہد رمن سنگھ اچانک دہرادون پہنچے اور انہوں نے تمام اراکین اسمبلی کی رائے لے کر رپورٹ اعلیٰ کمان کو بھیجی۔

اتراکھنڈ کے وزیر اعلیٰ ترویندر سنگھ راوت نے منگل کے روز استعفیٰ دے دیا۔ انہوں نے اپنا استعفیٰ نامہ گورنر بےبی رانی موریہ کو سونپ دیا ہے۔ ذرائع کے مطابق ریاست کے نئے وزیر اعلیٰ کا اعلان کل یعنی بدھ کے روز کیا جائے گا۔
قابل ذکر ہے کہ تقریباً ایک برس سے راوت کو تبدیل کرنے کی باتیں ہو رہی تھیں۔ گزشتہ دو دنوں میں ریاست میں تیزی سے بدلتے سیاسی حالات کے درمیان بھارتیہ جنتا پارٹی (بی جے پی) کے مشاہد رمن سنگھ اچانک دہرادون پہنچے اور انہوں نے تمام اراکین اسمبلی کی رائے لے کر رپورٹ اعلیٰ کمان کو بھیجی۔
   راوت بھی دہلی گئے تھے لیکن وہ ہائی کمان کو منانے میں کامیاب نہیں ہوئے اور آج انہوں نے گورنر کو اپنا استعفیٰ سونپ دیا۔
نئے وزیر اعلیٰ کے لیے بھگت سنگھ کوشیاری، رمیش پوکھریال نیشنک، انل بلونی، دھن سنگھ راوت اور اجے بھٹ کے ناموں کی چرچا ہے۔
اس طرح کی بھی قیاس آرائیاں ہیں کہ ریاست میں آئندہ برس ۲۰۲۲ء میں ہونے والے الیکشن کے پیش نظر کسی قد آور رہنما کو وزیر اعلیٰ بنایا جا سکتا ہے۔
گورنر کو استعفیٰ دینے کے بعد راوت نے پریس کانفرنس میں کہا کہ ہائی کمان کے کہنے پر انہوں نے استعفیٰ دیا ہے۔ انہوں نے کہا کہ کل اراکین اسمبلی کا اجلاس ہوگا جس میں نئے لیڈر کا انتخاب کیا جائے گا۔