یورپ کے سب سے بڑے میچ میں سٹی کی ٹیم انٹر کو زیر کرنے کیلئے بے قرار۔ پیپ گارڈیالا کی رہنمائی میں سٹی کی ٹیم تیسرا خطاب جیتنا چاہے گی

یوئیفا چمپئن لیگ میں سیزن کا اب تک کا سب سے بڑا میچ سنیچر کو ہونے والا ہےکیونکہ  استنبول کے اتاترک اولمپک اسٹیڈیم میں ایک تاریخی مقابلے میں انٹر میلان کا پیپ گارڈیالا کی مانچسٹر سٹی ٹیم کے ساتھ مقابلہ ہوگا۔ اس وقت مانچسٹر سٹی ٹیم زبردست فارم میں ہے اور اس نے انگلش پریمیر لیگ  اور ایف اے کپ کا خطاب پہلے ہی جیت لیاہے۔ اس کی نظر چمپئن لیگ کی شکل میں اس سیزن کے تیسرے خطاب جیتنے پر مرکوز ہے۔ 
 انٹر میلان فٹبال کلب سیری اے اسٹینڈنگ میں تیسرے نمبر پر رہا اور اس سیزن میں اب تک کافی متاثر کن رہا ہے۔ انٹر میلان فٹبال کلب نے اپنے پچھلے گیم میں تورینو کو جدوجہد کے بعد ۰۔۱؍ سے شکست دی تھی۔   اس ہفتے کے آخر میں اسی طرح کا نتیجہ حاصل کرنے کیلئے اٹلی کے مضبوط کلب کو سخت محنت کرنے کی ضرورت ہوگی۔
 دوسری طرف مانچسٹر سٹی فٹبال کلب اس سیزن میں پہلے ہی دو ٹرافی جیت چکا ہے اور سال کے آغاز سے ہی شاندار فارم میں ہے۔ سٹیزینزکے نام سے مشہور انگلش کلب  نے گزشتہ ہفتے مانچسٹر یونائٹیڈ کلب  کے خلاف ایف اے کپ جیتا تھا اور ممکنہ طور پر اس میچ میں ٹریبل جیت سکتا تھا۔
 مانچسٹر سٹی اس وقت عالمی فٹبال کی بہترین ٹیم ہے اور اس کے پاس ایک شاندار اسکواڈ ہے۔اس کے منیجرپیپ گارڈیالا نے۱۲؍ برسوں میںیوئیفا چمپئن  لیگ کی ٹرافی نہیں جیتی ہے اور اب ان کے پاس مانچسٹر سٹی کے لئے تاریخ رقم کرنے کا موقع ہے۔سٹی کی ٹیم پہلی فائنل میں پہنچی ہے۔ 
 انٹر میلان نے فائنل تک رسائی کا شاندار مقابلہ کیا ہے اور اسے فائنل میں کامیابی حاصل کرنے   کیلئے اپنی بہترین کارکردگی کا مظاہرہ کرنے کی ضرورت ہوگی۔ مانچسٹر سٹی کاغذ پر بہتر ٹیم ہے اور اس کھیل میں آگے بڑھتے ہوئے اس نے شاندار مظاہرہ کیاہے۔ اس کے پاس دنیا کے بہترین کھلاڑی موجود ہیں ۔جہاں تک دونوں کے درمیان  ریکارڈ کا تعلق ہے مانچسٹر سٹی اور انٹر میلان برابر کی سطح پر ہیں اور دونوں ٹیموں کے درمیان کھیلے جانےوالے ۲؍ میچوں میں سے ایک ایک میچ جیت چکے ہیں۔یوئیفا چمپئن  لیگ میں پچھلے ۴؍ مواقع پر انگلش اور اطالوی ٹیمیں آمنے سامنے آ چکی ہیں - لیورپول اب تک شو پیس ایونٹ میں اطالوی ٹیم کا سامنا کرنے والی واحد انگلش ٹیم ہے۔لیکن موجود ہ فارم میں انگلش کلب کو شکست دینا اٹلی کے کلب کیلئے آسان نہیں ہوگا۔