فائنل میں فُل ٹائم تک میچ بغیر گول کے برابری پر رہا تھا۔ اسپین نے پنالٹی شوٹ آؤٹ میں ۴۔۵؍ گول سے کامیابی حاصل کرلی

سپین کی ٹرافی کی۱۱؍ سالہ خشک سالی ختم ہو گئی۔ کروشیا اور اس کے تجربہ کار کپتان لوکا ماڈرچ اب بھی اپنے پہلے انٹرنیشنل خطاب  کے منتظر ہیں۔ گول کیپر یونائی سائمن نے دو شاٹس بچائے جب اسپین نے کروشیا کو پنالٹی شوٹ آؤٹ میں شکست دی جب کہ اتوار کو ان کے کشیدہ نیشنز لیگ کا فائنل ۰۔۰؍ سے ختم ہو گیا تھا۔
 بلباؤ فٹبال کلب کے گول کیپر نے اپنے پیروں کا استعمال کرتے ہوئے لورو مائیر کی ایک پنالٹی کو بچانے کیلئے جب شوٹ آؤٹ۳۔۳؍ پر برابر تھا اور پھر برونو پیٹکووچ کی اسپاٹ کِک کو پوسٹ کے ارد گرد ٹپ کرنے کیلئے پوری لمبائی میں غوطہ لگایا۔ دانی کروایل  نے اپنے پنالٹی کو چپ کے ساتھ تبدیل کر کے فتح پر مہر ثبت کی۔ اسپین کے کوچ لوئس ڈی لا فوینٹے نے کہا کہ کاروایل نے فائنل سے قبل پریکٹس میں پنالٹیز کو اچھی طرح سے لیا تھا۔ انہوں نے کہا کہ’’وہ ایک شاندار شخصیت کے مالک ہیں اور اسی طرح انہوں نے اسے لینے کا فیصلہ کیا۔ہمیں پنالٹی  لینے کی ان کی صلاحیت پر مکمل اعتماد ہے۔‘‘
 خیال رہے کہ اس سے قبل اسپین نے  دیگر بڑے خطاب ۲۰۱۰ء ورلڈ کپ اور۱۹۶۴ء،۲۰۰۸ء اور۲۰۱۲ء میں یورپی چمپئن  شپ میں جیتے تھے۔ مڈفیلڈر روڈری، جنہو ں نے اپنی پنالٹی پر گول کرنے کے بعد چھلانگ لگائی ، اپنے کلب مانچسٹر سٹی کے ساتھ تاریخی ٹریبل  جیتنے کے بعد اس سیزن میں ۴؍ خطاب  جیت چکے ہیں۔ انہیں اپنے یادگار سال کو پورا کرنے کیلئے نیشنز لیگ ٹورنامنٹ کا بہترین کھلاڑی قرار دیا گیا۔ اسپین نے میچ کے آغاز میں کروشیا پر دباؤ ڈال دیا تھا۔