سرکاری دفاتر کی کرسیاں اکثر مہنگی اور مضبوط ہوتی ہیں۔ تولیہ ان کرسیوں کو روزمرہ کے استعمال سے ہونے والی خرابی، داغ دھبوں اور رگڑ سے محفوظ رکھتا ہے۔

سرکاری دفاتر کی دنیا اپنی مخصوص روایات، اندازِ نشست و برخاست اور علامتی اشیاء کے باعث ہمیشہ سے توجہ کا مرکز رہی ہے۔ ان دفاتر میں داخل ہوتے ہی کچھ مناظر بار بار نظر آتے ہیں جیسےفائلوں کے ڈھیر، میزوں کی ترتیب اور خاص طور پر افسران کی کرسیوں پر رکھا ہوا سفید تولیہ۔ کیا آپ نے کبھی غور کیا کہ سرکاری افسر کی کرسی پر سفید تولیہ کیوں رکھا جاتا ہے؟
یہ روایت کہاں سے شروع ہوئی؟
اس کی ابتدا، ہندوستانی بیوروکریٹک کلچر کی بہت سی روایات کی طرح، برطانوی راج سے جڑی ہوئی ہے۔ سابق سرکاری افسر گرودِیپ سنگھ سپپل(سابق نائب صدر حامد انصاری کے او ایس ڈی) کے مطابق انگریز افسر گھوڑوں پر سفر کیا کرتے تھے، اور تولیے حفظانِ صحت کے معمول کا ایک لازمی حصہ تھے۔ انگریز چلے گئے، گھوڑے بھی ختم ہو گئے لیکن تولیے باقی رہ گئے۔ تاہم، ایک دوسری اور زیادہ واضح رائے بھی موجود ہے۔ مصنف دھرم ادھیکاری کے مطابق یہ تولیے انگریزوں نے اس لئے متعارف کروائے تھے تاکہ تیل لگے بالوں کی وجہ سے ہندوستانی افراد کرسیوں کے کور کو خراب نہ کریں۔ دلچسپ بات یہ ہے کہ نوآبادیاتی حکمران خود اپنی کرسیوں پر کبھی تولیے استعمال نہیں کرتے تھے۔ 

یہ بھی پڑھئے: سوجن ہونے پر برف سےسینکا جاتا ہے، کیوں؟

صفائی اور حفظانِ صحت 
سفید تولیہ رکھنے کی سب سے بنیادی وجہ صفائی ہے۔ دفاتر میں کرسیوں کا استعمال مسلسل ہوتا ہے، جس سے پسینہ، گرد و غبار اور جراثیم جمع ہو سکتے ہیں۔ تولیہ ان سب چیزوں کو جذب کر لیتا ہے اور اصل کرسی کو گندا ہونے سے بچاتا ہے۔ چونکہ سفید رنگ پر میل فوراً ظاہر ہو جاتا ہے، اس لئے اسے باقاعدگی سے دھونا ضروری ہوتا ہے جس سے صفائی کا معیار برقرار رہتا ہے۔ 
پیشہ ورانہ وقار اور سادگی کی علامت 
سفید رنگ سادگی، پاکیزگی اور وقار کی علامت سمجھا جاتا ہے۔ سرکاری افسر جب اپنی کرسی پر سفید تولیہ رکھتے ہیں تو یہ ایک طرح سے ان کے عہدے کی سنجیدگی اور نظم و ضبط کی عکاسی کرتا ہے۔ یہ ماحول میں ایک پروفیشنل انداز پیدا کرتا ہے۔ 
کرسی کی حفاظت 
سرکاری دفاتر کی کرسیاں اکثر مہنگی اور مضبوط ہوتی ہیں۔ تولیہ ان کرسیوں کو روزمرہ کے استعمال سے ہونے والی خرابی، داغ دھبوں اور رگڑ سے محفوظ رکھتا ہے۔ اس طرح کرسی کی عمر بڑھ جاتی ہے اور اسے بار بار تبدیل کرنے کی ضرورت نہیں پڑتی۔ سفید تولیہ ایک نفسیاتی اثر بھی رکھتا ہے۔ یہ افسر کی کرسی کو عام نشست سے مختلف بناتا ہےجس سے اس کے عہدے کا احساس بڑھتا ہے۔