تاپسی پنو کو نئی فلمیں ملتی ہی جا رہی ہیں۔ ذرائع کے مطابق اداکارہ کو فلمساز آنند ایل رائے اور بھوشن کمار کی فلم کیلئے سائن کیا گیا ہے۔ان کے مقابل ہیرو کا کردار ادا کرنے کیلئے وکرانت ماسے کو بھی سائن کر لیا گیا ہے۔ یہ ایک ’مسٹری ڈراما‘ فلم ہوگی۔ ’مسٹری‘ میں اصلیت کا رنگ بھرنے کیلئے فلمساز نئی جوڑی کو لینا چاہتے تھے۔ فلم کی کچھ شوٹنگ شمالی ہند میں کی جائے گی مگر لوکیشن کا انتخاب ابھی نہیں ہوا ہے۔ چونکہ فلم کی کہانی بھی شمالی ہند سے تعلق رکھتی ہے اسی لئے ناظرین کو اسی ماحول کا احساس دلانے کیلئے شمالی علاقوں کو چنا جا رہا ہے۔

ممبئی : تاپسی پنو کو نئی فلمیں ملتی ہی جا رہی ہیں۔ ذرائع کے مطابق اداکارہ کو فلمساز آنند ایل رائے اور بھوشن کمار کی فلم کیلئے سائن کیا گیا ہے۔ان کے مقابل ہیرو کا کردار ادا کرنے کیلئے وکرانت ماسے کو بھی سائن کر لیا گیا ہے۔ یہ ایک ’مسٹری ڈراما‘ فلم ہوگی۔ ’مسٹری‘ میں اصلیت کا رنگ بھرنے کیلئے فلمساز نئی جوڑی کو لینا چاہتے تھے۔ اس فلم کی کچھ شوٹنگ شمالی ہند میں کی جائے گی مگر اس کیلئے لوکیشن کا انتخاب ابھی نہیں ہوا ہے۔ چونکہ فلم کی کہانی بھی شمالی ہند سے تعلق رکھتی ہے اسی لئے فلم ناظرین کو اسی ماحول کا احساس دلانے کیلئے شمالی علاقوں کو چنا جا رہا ہے۔ اس فلم کے ہدایتکار ونیل میتھیوز ہوں گے جنہوں نے چھ سال قبل ’ہنسی تو پھنسی‘ کی ہدایتکاری کی تھی۔ 
 واضح ہو کہ تاپسی ان دنوں کئی فلموں میں کام کر رہی ہیں جن میں ’تھپڑ‘، ’رشمی راکٹ‘، انوراگ کشیپ کی ایک ڈراؤنی فلم اور جنوبی ہند کی بھی ایک فلم شامل ہے۔ دوسری جانب وکرانت ماسے ’جینی ویڈس سنی‘ کی شوٹنگ میں مصروف ہیں جبکہ ایک فلم اور ’چھپاک‘ بھی ان کے پاس ہے۔