کئی مہینوں تک مسلسل شوٹنگ اور مصروف سفری شیڈول کے بعد اداکار علی فضل نے اب تھوڑا وقفہ لینے کا فیصلہ کیا ہے تاکہ وہ خود کو دوبارہ تازہ دم کر سکیں۔ اداکار گزشتہ کچھ عرصے سے فلموں اور سیریز کے کئی منصوبوں کو بیک وقت سنبھال رہے تھے۔

کئی مہینوں تک مسلسل شوٹنگ اور مصروف سفری شیڈول کے بعد اداکار علی فضل نے اب تھوڑا وقفہ لینے کا فیصلہ کیا ہے تاکہ وہ خود کو دوبارہ تازہ دم کر سکیں۔ اداکار گزشتہ کچھ عرصے سے فلموں اور سیریز کے کئی منصوبوں کو بیک وقت سنبھال رہے تھے اور انہیں آرام کا بہت کم وقت مل پا رہا تھا۔
مختلف شوز کے لیے سفر کرنے سے لے کر بے حد متوقع ’’مرزا پور: دی مووی‘‘کی شوٹنگ تک، علی کا شیڈول کافی مصروف رہا ہے۔ اس کے ساتھ ہی وہ ’’بٹوارہ ۱۹۴۷ء‘‘ اور’’لسٹ سیریز ۳‘‘ جیسے بڑے منصوبوں پر بھی کام کر رہے ہیں، جس کی وجہ سے وہ مختلف اصناف اور پلیٹ فارمز میں مسلسل مصروف ہیں۔
 اتنے مصروف شیڈول کے درمیان علی نے اب کچھ وقت کے لیے کام سے دوری اختیار کرکے آرام کرنے کا فیصلہ کیا ہے۔ وہ اس وقفے کو آرام کرنے، خود کو ری سیٹ کرنے اور کچھ پرسکون وقت گزارنے کے لیے استعمال کرنا چاہتے ہیں تاکہ اگلی شوٹنگ شروع کرنے سے پہلے نئی توانائی کے ساتھ واپس آ سکیں۔

یہ بھی پڑھئے:پاکستان کے صاحبزادہ فرحان آئی سی سی پلیئر آف دی منتھ قرار

 اس وقفے کے بارے میں بات چیت کرتے ہوئے علی نے کہا’’گزشتہ چند مہینے کافی مصروف رہے ہیں، مسلسل سفر اور طویل شوٹنگ کے ساتھ میں کافی مصروف رہا ہوں۔ مجھے محسوس ہوا کہ رفتار کم کرنا اور وقفہ لینا ضروری ہے۔ اس وقت کو میں آرام کرنے، چھوٹی ہوئی چیزوں کو پورا کرنے اور خود کو ری چارج کرنے میں لگا رہا ہوں تاکہ اگلی شوٹنگ کے لیے نئی توانائی کے ساتھ واپس آ سکوں۔ ایسے چھوٹے وقفے بہت مددگار ثابت ہوتے ہیں۔‘‘

یہ بھی پڑھئے:’’شارک ٹینک انڈیا‘‘ سیزن ۵؍ میں مجموعی طور پر ۹۵؍ کروڑ کی سرمایہ کاری

مختلف اور چیلنجنگ کرداروں کے لیے مشہور علی کے آنے والے منصوبوں کے حوالے سے پہلے ہی مداحوں میں کافی جوش و خروش پایا جاتا ہے۔ اس مختصر وقفے کے بعد وہ جلد ہی اپنے اگلے شیڈول کی تیاری شروع کریں گے۔