تمل، تیلگو اور ملیالم فلموں میں کام کرکے شائقین کو محظوظ کرنے کے بعد، املا پال اجے دیوگن کی فلم ’بھولا‘ کے ساتھ ہندی سنیما میں قدم رکھنے کیلئے تیار ہیں۔

تمل، تیلگو اور ملیالم فلموں میں کام کرکے شائقین کو محظوظ کرنے کے بعد، املا پال اجے دیوگن کی فلم ’بھولا‘ کے ساتھ ہندی سنیما میں قدم رکھنے کیلئے تیار ہیں۔ اداکارہ اس وقت بنارس میں ساتھی اداکار اجے دیوگن اور ابھیشیک بچن کے ساتھ فلم کی شوٹنگ میں مصروف ہیں۔ اگرچہ ان کا کردار خفیہ رکھا گیا ہے۔ ذرائع سے پتہ چلا ہے کہ وہ فلم میں بنارسی خاتون کا کردار ادا کریں گی۔ فلم کی کاسٹ اور عملہ بنارس میں ایک ہفتہ قیام کرے گا۔املاجنوبی ہند کی سب سے زیادہ پسند کی جانے والی ہیروئن میں سے ایک ہیں۔ انہوں نے تمل کے ساتھ ساتھ ملیالم فلموں میں بھی اپنی اداکاری کے لئے کئی ایوارڈس جیتے ہیں۔ اداکارہ نے جنوبی سنیما میں غیر معمولی کارکردگی کا مظاہرہ کیا ہے اور بلاشبہ وہ `بھولا میں بھی اپنی اداکاری سے ناظرین کو متاثر کریں گی۔ان کے رول کے بارے میں زیادہ معلومات فراہم نہیں کی گئی ہے لیکن وہ اپنے رول سے بہت خوش ہیں اور انہوںنے اس پر مسرت کااظہار بھی کیا ہے۔ انہیں ہندی فلموں میں مکالموں میں معمولی دقت پیش آرہا ہے۔