بالی ووڈ کی مقبول ترین جوڑی دپیکا پڈوکون اور رنویر سنگھ انڈین پریمیر لیگ کے۲۰۲۲ء کے ایڈیشن کے لیے ٹیم خریدنے کی منصوبہ بندی کررہے ہیں۔

بالی ووڈ کی مقبول ترین جوڑی دپیکا پڈوکون اور رنویر سنگھ انڈین پریمیر لیگ کے۲۰۲۲ء کے ایڈیشن کے لیے ٹیم خریدنے کی منصوبہ بندی کررہے ہیں۔  بورڈ آف کنٹرول فار کرکٹ ان انڈیا (بی سی سی آئی) نے۲۰۲۲ءمیں انڈین پریمیر لیگ (آئی پی ایل) کی دو نئی ٹیموں کے شامل ہونے کی تصدیق کی ہے اور مختلف میڈیا رپورٹس میں یہ کہا جارہا ہے کہ ان دو نئی ٹیموں میں سے ایک ٹیم کی مالک دپیکا پڈوکون اور رنویر سنگھ ہوں گے۔انڈین پریمیر لیگ (آئی پی ایل) اور بالی ووڈ کا دیرینہ رشتہ ہے۔ شاہ رخ خان اور جوہی چاؤلہ مشہور ٹیم کولکاتانائٹ رائیڈرس  کے مالک ہیں جبکہ راج کندرا اور شلپا شیٹی نے ابتدائی طور پر راجستھان رائلز میں سرمایہ کاری کی تھی اور پریتی زنٹا پنجاب کنگز کی شریک مالک ہیں۔دلچسپ بات یہ ہے کہ رنویر سنگھ اور دپیکا پڈوکون کی اگلی فلم بھی کرکٹ سے متعلق موضوع پر ہی ہے۔ کبیر خان کی ہدایت کردہ ’۸۳ء ‘ میں رنویر کپل دیو کا کردار ادا کریں گے جبکہ دپیکا پڈوکون اُن کی اہلیہ کے کردار میں نظر آئیں گی اور یہ فلم رواں سال کرسمس کے موقع پر ریلیز کی جائے گی۔رنویر اور دپیکاکے علاوہ ’۸۳ء‘ میں پنکج ترپاٹھی، ایمی ورک، ہارڈی سندھو، ثاقب سلیم، بومن ایرانی سمیت کئی دیگر اداکار شامل ہیں۔