بالی ووڈ کے معروف اداکار دلیپ کمار گزشتہ دنوں طبیعت خراب ہونے کی وجہ سےاسپتال میں داخل کئے گئے تھے۔
بالی ووڈ کے معروف اداکار دلیپ کمار گزشتہ دنوں طبیعت خراب ہونے کی وجہ سےاسپتال میں داخل کئے گئے تھے۔اب دلیپ کمار صحت یاب ہو کر اپنے گھر پہنچ گئے ہیں۔دلیپ کمار نے اب اپنے ٹویٹر ہینڈل پر کافی پرانی تصویر شیئر کی ہے۔ اس تصویر میں نرگس دلیپ کمار کے ساتھ دکھائی دے رہی ہیں۔ لوگ دلیپ کمار کےذریعہ شیئر کی گئی اس تصویر کوخوب پسندکر رہےہیں اور اندازہ لگانے کی کوشش کررہے ہیں کہ کب کی اور کہاں کی تصویر ہے۔دراصل ، دلیپ کمار نے ، اس تصویر کو شیئر کرتے ہوئے لکھا’’کچھ اندازہ ہے کہ یہ تصویر کب اور کہاں کھینچی گئی تھی؟‘‘یہ تصویر پہلے دلیپ کمار کے خاندانی دوست فیصل فاروقی کے ہینڈل سے شیئر کی گئی تھی۔ اس کے بعد ، دلیپ کمار کے مداح اندازہ لگا رہے ہیں کہ اس تصویر کو کس فلم کی شوٹنگ کے دوران لیا گیا ہے۔اب شائقین اس تصویر کے تعلق سےمختلف قیاس آرائیاں کر رہےہیں۔ کچھ شائقین نرگس کو بھی مدھوبالا سمجھ رہے ہیں۔ ایک مداح نے اندازہ لگا کر لکھا ہے کہ یہ تصویر راج کپور نے کھینچی تھی اور یہ۱۹۵۰ء میں ریلیز ہونے وا لی فلم ’بابل‘ کی شوٹنگ کے دوران لی گئی تھی۔ نرگس اورمنور سلطانہ اس فلم میں دلیپ کمار کے ساتھ مرکزی کردار میں تھے۔
