ہندوستانی فلم انڈسٹری کے کنگ شاہ رخ خان کی جانب سے عید الاضحی کے موقع پر تمام مسلمانوں کو عید کی مبارک باد دی گئی ۔
EPAPER
Updated: August 03, 2020, 7:25 AM IST | Agency | Mumbai
ہندوستانی فلم انڈسٹری کے کنگ شاہ رخ خان کی جانب سے عید الاضحی کے موقع پر تمام مسلمانوں کو عید کی مبارک باد دی گئی ۔
ہندوستانی فلم انڈسٹری کے کنگ شاہ رخ خان کی جانب سے عید الاضحی کے موقع پر تمام مسلمانوں کو عید کی مبارک باد دی گئی ۔ اداکار شاہ رخ خان نے ایک بچے کی دعا مانگتے ہوئے تصویر اپنے انسٹاگرام اکاؤنٹ پر شیئر کی ہے۔
انسٹاگرام پر شیئر کردہ تصویر کے ساتھ ہی کیپشن میں شاہ رخ خان نے لکھا ’’سب کو میری طرف سے عید مبارک، اُمید ہے کہ یہ دن، بلکہ ہر دن آپ کے تمام چاہنے والوں کے لئے امن اور خوشیاں لے کر آئے ۔‘‘ اداکار نے مزید لکھا ’’ اس عید آپ تمام لوگ اپنے آپ کو خود گلے لگائیں۔‘‘
واضح رہے کہ بالی ووڈ کے سپر اسٹار امیتابھ بچن نےبھی عید الاضحی کے موقع پر ایک روز قبل دنیا بھر کے تمام مسلمانوں کیلئے سوشل میڈیا پر مبارک باد کا پیغام جاری کیا تھا۔ انہوں نے ٹویٹر اور انسٹاگرام پر ایک تصویر شیئر کی تھی جس پر ’عید الاضحی مبارک‘ لکھا ہوا تھا۔ ان کے ساتھ ہی اور بھی فنکاروں کی جانب سے اپنے مداحوں کو عید کی مبارکباد دی گئی ہے۔ ان میں دبنگ اداکار سلمان خان، انیل کپور، گوتم گمبھیر، اداکارہ پرینکا چوپڑہ اور دیگر شامل ہیں۔