بالی ووڈ اداکارہ ہیما مالنی جنوبی ہند کے فلم ڈائریکٹر ایس ایس راجامولی کے ساتھ کام کرنا چاہتی ہیں۔

بالی ووڈ اداکارہ ہیما مالنی جنوبی ہند کے فلم ڈائریکٹر ایس ایس راجامولی کے ساتھ کام کرنا چاہتی ہیں۔ جب بالی ووڈ کی ’ڈریم گرل‘ ہیما مالنی سے پوچھا گیا کہ کیا وہ ایس ایس راجامولی کے ساتھ کام کرنا چاہیں گی؟  تو اس کے  جواب میں انہوں نے کہا’’اگر ایس ایس راجامولی جی مجھے ایک اچھے کردار کی پیشکش کرتے ہیں  تو میں ان کے ساتھ کام کرنا ضرور پسند کروں گی۔‘‘
  واضح رہے کہ ہیما مالنی کافی عرصے سے فلم انڈسٹری سے دور ہیں۔ جب ان سے پوچھا گیا کہ وہ دوبارہ فلموں میں کب واپس آئیں گی۔ تواس سوال کے جواب میں انہوں  نے کہا’’میں کوئی فلم یا ویب سیریز اسی وقت کروں گی جب مجھے صحیح کردار ملے گا۔ میں ایک اداکارہ ہوں۔ میں اسی وقت  اداکاری کرنا پسند کروں گی جب کوئی اچھا کردار ہو۔محض ایکٹنگ کےلئے میں کسی فلم یا ویب سیریز میں کام نہیں کروں گی۔میں چاہتی ہوں کہ مجھے ایسا رول ملے جو  مجھے پسند آئے ۔اگر کوئی ایسا رول ملتا ہے تو میں ضرور اسے کرنا چاہوںگی۔‘‘