مشہور بالی ووڈ اداکارہ کترینہ کیف اتوار کو ۴۰؍سال کی ہو گئیں۔ کترینہ کیف ۱۶؍ جولائی ۱۹۸۳ءکوہانگ کانگ میں پیدا ہوئیں۔

مشہور بالی ووڈ اداکارہ کترینہ کیف  اتوار کو ۴۰؍سال کی ہو گئیں۔ کترینہ کیف ۱۶؍ جولائی ۱۹۸۳ءکوہانگ کانگ میں پیدا ہوئیں۔ان کااصل نام کترینہ ٹورکیٹی ہے۔ انہوں نےاپنے ماڈلنگ کریئرکاآغاز ۱۴؍سال کی عمر میںکیا۔ وہ ماڈلنگ کرنے کے مقصد سے ممبئی آئی تھیںلیکن اس دوران ان کی ملاقات کیزادگستاد سےہوگئی۔ان دنوں کیزاد گستاد بوم فلم بنا رہے تھے۔انہوں نےکترینہ کو بوم میں کام کرنے کی پیشکش کی جسےکترینہ نےبخوشی قبول کر لیا۔ ۲۰۰۳ءمیں ریلیز ہونے والی فلم بوم مجرمانہ پس منظرپرمبنی تھی۔ اس فلم میں امیتابھ بچن اور جیکی شراف نےمرکزی کردار ادا کیے تھے۔ بوم ایک کمزوراسکرین پلے کی وجہ سے باکس آفس پر دھوم مچانے میں ناکام رہی۔ ۲۰۰۵ءمیںکترینہ کیف کو ایک بار پھر امیتابھ کےساتھ سرکار میں کام کرنے کا موقع ملا لیکن فلم کی کامیابی کے باوجود انہیں زیادہ فائدہ نہیں ملا۔ ۲۰۰۵ءمیںریلیز ہونے والی فلم ’میں نےپیارکیوںکیا‘ کرینہ کیف کےفلمی کریئر کی پہلی سپر ہٹ فلم ثابت ہوئی۔ کہا جاتا ہے کہ کترینہ کو یہ فلم سلمان خان کی وجہ سےملی۔اس فلم کی کامیابی کےبعد کترینہ کو فلم انڈسٹری میں اچھی فلموں کے آفرز ملنے لگے۔ کترینہ کیف کے فلمی کریئرمیں کھلاڑی کمار اکشے کمار کے ساتھ ان کی جوڑی کو بہت پسند کیا جاتا ہے۔
 اکشےاور کٹرینہ کی جوڑی پہلی بار۲۰۰۶ء میں ریلیز ہونے  والی فلم ’ہم کو دیوانہ کر گئے‘میں ایک ساتھ نظر آئی تھی۔اگرچہ ٹکٹ کھڑکی پر فلم نے اچھابزنس نہیں کیا لیکن دونوں کی جوڑی کو پسند کیا گیا۔ہم کو دیوانہ کر گئے کے بعد اکشے اور کترینہ کی  جوڑی ۲۰۰۷ءکی فلم ’نمستے لندن‘میں نظر آئی۔ یہ فلم سپرہٹ ثابت ہوئی۔ اس کے بعد اس جوڑی نےویلکم، سنگھ از کنگ، دے دنا دن اور تیس مار خان جیسی کئی فلموں میں ایک ساتھ کام کیا۔ میں نے پیار کیوں کیا، پارٹنر، ایک تھا ٹائیگر، ٹائیگر زندہ ہےاور بھارت جیسی فلموں میں سلمان کے ساتھ کترینہ کی جوڑی کو پسند کیا گیا۔کترینہ کیف کو  فلم انڈسٹری میں آئے ہوئے ۲۰؍سال ہوچکے ہیں اور اس دوران انہوں نے شاہ رخ، سلمان، ریتک روشن اور اکشے کمار جیسے بڑے ستاروں کے ساتھ کام کیا ہے۔ ۲۰۲۱ء میں کترینہ کیف نے وکی کوشل کے ساتھ شادی کی۔کترینہ کیف کے کرئیر کی دیگر قابل ذکر فلموںمیں اپنے، ریس، نیویارک، بلیو، عجب پریم کی غضب کہانی، راج نیتی، زندگی نہ ملے گی دوبارہ، میرے بردر کی دلہن، جب تک ہے جان، دھوم تھری، بینگ بینگ، فینٹم،  سوریہ ونشی نمایاں ہیں۔ کترینہ کی آنے والی فلموں میں ٹائیگر ۳؍ اور میری کرسمس نمایاں ہیں۔