بالی ووڈ اداکارہ رانی مکھرجی کی آنے والی فلم ’مسز چٹرجی ورسیز ناروے‘ کا فرسٹ لک جاری ہوگیا ہے۔

بالی ووڈ اداکارہ رانی مکھرجی کی آنے والی فلم ’مسز چٹرجی ورسیز ناروے‘ کا فرسٹ لک جاری ہوگیا ہے۔رانی مکھرجی اس فلم کی وجہ سے سرخیوں میں ہیں۔ اس فلم کے پوسٹر میں وہ سوٹ پہنے  ، بالوں کو باندھے،ماتھے پر سندور لگائے ہوئے کانوں میں بوندی اور گلے میں چین پہنے ہوئے ان کا انداز سادگی سے بھرا ہوا نظر آرہا ہے۔ اس میں انہوںنے ہاتھوں میں ٹیڈی بیئر بھی پکڑا ہوا ہے۔’مسز چٹرجی ورسیز ناروے‘ ۳؍مارچ کو سنیما ہال میں ریلیز ہوگی۔یہ فلم حقیقی کہانی پر مبنی ہے۔یہ ایک ہندوستانی جوڑے کی کہانی ہے جن کے بچے کو ۲۰۱۱ء میں نارویجین ویلفیئر سروس کے ذریعے چھین لیا گیا تھا۔فلم میں رانی مکھرجی کے علاوہ کرسجن اکسکلا،ایرکی لار اور کیرل ٹیم بھی اہم رول میں نظر آئیںگے۔اس فلم کا ڈائریکشن آشیما چھبر نے کیا ہے۔