شاہ رخ خان اپنی آنے والی فلم `’پٹھان ‘کو لے کر مسلسل سرخیوں میں ہیں۔ وہیں ان کے بیٹے آرین خان بھی گزشتہ کچھ دنوں سے دوبارہ سرخیوں میں آئے ہیں۔

 شاہ رخ خان اپنی آنے والی فلم `’پٹھان ‘کو لے کر مسلسل سرخیوں میں ہیں۔ وہیں ان کے بیٹے آرین خان بھی گزشتہ کچھ دنوں سے دوبارہ سرخیوں میں آئے ہیں۔ جب آرین کی پاکستانی اداکارہ  اور ماڈل سعدیہ خان  کے ساتھ پارٹی کرتے ہوئے تصویر سامنے آئی تو ڈیٹنگ کی قیاس آرائیاں شروع ہوگئیں۔سوشل میڈیا پر وائرل ہونے والی نئے سال کی پارٹی کی تصویر میں آرین اور سعدیہ کو پوز دیتے ہوئے دیکھا گیا۔ اب ایک انٹرویو میں سعدیہ نے آرین کو پیارا اور خوش اخلاق بتاتے ہوئے ریلیشن شپ کی افواہوں کو بے بنیاد بتایا ہے۔آرین خان سے ڈیٹنگ کی افواہوں کو بے بنیاد بتاتے ہوئے سعدیہ خان نے کہا کہ اس میں کوئی صداقت نہیں ہے۔سعدیہ خان نے انکشاف کیا کہ `دبئی میں نئے سال کی پارٹی میں ہم ملے، باتیں کیں اور ساتھ میں فوٹو کھنچوائی، جیسا دوسرے کرتے ہیں۔میں ایسی بے بنیاد افواہوں کی تردید کرتی ہوں اور یہ کہنا چاہوں گی کہ آرین بہت پیارا اور تہذیب یافتہ لڑکا ہے،ا س کا مطلب یہ نہیں ہے کہ ہم ڈیٹنگ کر رہے ہیں۔ آرین کے ساتھ تصویر کلک کروانے والی میںاکیلی نہیں تھی، وہاں اور بھی بہت سے لوگوں نے تصاویر کلک کیں اور سوشل میڈیا پر اپ لوڈ کیں، لیکن پتہ نہیں میری تصویر کیسے وائرل ہوگئی۔