بالی ووڈ کے سپر اسٹار شاہ رخ خان اور فٹ بال کے لیجنڈ لیونل میسی کی کولکاتا میں تاریخی ملاقات نے سوشل میڈیا پر دھوم مچا دی۔ اپنے بیٹے ابراہم کے ہمراہ شاہ رخ خان کے ساتھ میسی کی تصاویر اور ویڈیوز دیکھ کر فینز خوشی سے جھوم اُٹھے۔

بالی ووڈ کے سپر اسٹار نے سنیچرکو کولکاتا کے سالٹ لیک اسٹیڈیم میں فٹ بال کے عظیم کھلاڑی سے ملاقات کی، اور چند ہی منٹوں میں ملاقات کی ویڈیوز اور تصاویر سوشل میڈیا پر وائرل ہونا شروع ہو گئیں۔ اپنے بیٹے ابراہم کے ہمراہ، شاہ رخ کو میسی کے ساتھ خوشگوار انداز میں بات کرتے ہوئے دیکھا گیا، اور فٹ بال کے لیجنڈ نے اسٹار کڈ کے ساتھ تصاویر بھی کھینچیں، جو لمحہ فوراً انٹرنیٹ پر مقبول ہو گیا۔ اسٹیڈیم سے آنے والے مناظر نے دنیا بھر میں فینز میں جوش و خروش پیدا کر دیا اور دو بڑے فین بیسز کو اکٹھا کر دیا۔ سوشل میڈیا پلیٹ فارمز پر جشن منانے والے ردعمل کی بھرمار تھی، ایک صارف نے پوسٹ کیا، ’’جب بالی و وڈ ملتی ہے فٹ بال کی رائلٹی سے , شاہ رخ خان میسی سے ملے مکمل اسٹار پاور، ایک فریم میں۔ ‘‘

VIDEO | Kolkata: Football icon Lionel Messi to virtually unveil his 70-foot statue from Salt Lake stadium, with West Bengal Minister Sujit Bose and Bollywood actor Shah Rukh Khan present at the event.#LionelMessi #Kolkata #Football

(Full VIDEO available on PTI Videos –… pic.twitter.com/dqISIwMgl4

— Press Trust of India (@PTI_News) December 13, 2025

ایک اور نے لکھا، ’’دنیا کا سب سے بڑا فلمی ستارہ شاہ رخ خان کولکاتا میں دنیا کے سب سے بڑے اسپورٹس آئیکن میسی سے ملتے ہیں۔ تاریخ رقم ہوئی۔ ‘‘
 تیسرے فین نے یوں بیان کیا، ’’لیجنڈری ملاقات شاہ رخ خان اور میسی کے ساتھ! سنیما کا بادشاہ فٹ بال کے ’گوٹ‘سے ملتا ہے۔ ‘‘
دلچسپ بات یہ ہے کہ شاہ رخ خان نے اس طویل انتظار کی جانے والی ملاقات کا اشارہ پہلے ہی چند دن قبل دیا تھا۔ ایکٹو نے ایکس پر فینز کے ساتھ میسی کی کولکاتا آمد کے بارے میں اپنی خوشی شیئر کی۔ ان کی پوسٹ میں لکھا تھا، ’’اس بار کولکاتا میں اپنا نائٹ پلان نہیں کر رہا، اور امید ہے کہ دن کا سفر مکمل طور پر’’ `میسی‘‘ ہوگا۔ ۱۳؍ دسمبر کو سالٹ لیک اسٹیڈیم میں ملاقات ہوگی۔ ‘‘

BOLLYWOOD KING SHAH RUKH KHAN MEETS MESSI - VIDEO OF THE DAY. ❤️

- King of Indian Cinema & GOAT of Football. [PTI] pic.twitter.com/19AMHm4UOH

— logic is an art (@16rbm) December 13, 2025

بتا دیں کہ لیونل میسی اس وقت اپنی GOAT انڈیا ٹور ۲۰۲۵ءکے تحت ہندوستان میں موجود ہیں اور وہ ۱۲؍دسمبر سے ۱۵؍دسمبر تک ملک میں قیام کریں گے۔ یہ ٹور حالیہ برسوں میں کسی بین الاقوامی اسپورٹس آئیکن کی سب سے نمایاں آمد میں سے ایک ہے۔ اپنے قیام کے دوران، میسی چار شہروں کولکاتا، حیدرآباد، ممبئی، اور نئی دہلی میں تقریبات میں شرکت کریں گے، جو ملک بھر کے فینز کو اپنی جانب کھینچے گا۔ کولکاتا کی تقریب کے بعد، فٹ بال لیجنڈ ممبئی جائیں گے، جہاں ان کی تقریب وانکھیڈے اسٹیڈیم میں منعقد ہوگی۔ اطلاعات کے مطابق، ممبئی میں کئی بالی ووڈ ستارے میسی سے ملاقات کریں گے۔ ان میں جان ابراہم، کرینہ کپور خان اور جیکی شروف قابل ذکر ہیں۔