• Thu, 29 February, 2024
  • EPAPER

Inquilab Logo

شہناز گل کو تنقیدوں کا سامنا کرنا پڑا تھا

Updated: April 26, 2023, 1:11 PM IST | Mumbai

بگ باس۱۳؍سے شہرت پانے والی اداکارہ اور گلوکارہ شہناز گل نے انکشاف کیا ہے کہ شو کے دوران انہیں باڈی شیپنگ کا سامنا کرنا پڑا۔

شہناز کور گل
Shehnaaz Kaur Gill

بگ باس۱۳؍سے شہرت پانے والی اداکارہ اور گلوکارہ شہناز گل نے انکشاف کیا ہے کہ شو کے دوران انہیں باڈی شیپنگ کا سامنا کرنا پڑا۔ سلمان خان کی فلم ’کسی کا بھائی کسی کی جان‘ سے بالی ووڈ میں قدم رکھنے والی شہناز گل نے حالیہ انٹرویو میں بتایا ہے کہ کس نے انہیں مجبور کیا کہ وہ شلوار قمیض والی دیسی شہناز گل سے مغربی لباس والی بولڈ شہناز گل کا روپ اختیار کریں۔’کالا شاہ کالا‘ اور ’حوصلہ رکھ‘ جیسی پنجابی فلموں سے شہرت حاصل کرنے والی شہناز گل نے اپنے حالیہ انٹرویو میں میزبان کے ایک سوال کے جواب میں بتایا کہ ’’بگ باس۱۳؍ میں انہیں ان کے موٹاپے کی وجہ سے شدید تنقید کا سامنا کرنا پڑا۔‘‘ انہوں نے یہ بھی بتایا کہ بگ باس میں انہیں شلوار قمیض میں دیکھ کر سب کو لگتا تھا کہ وہ مغربی لباس زیب تن نہیں کرسکتیں۔ شہناز گل کا کہنا ہے کہ انہوں نے لوگوں کی تنقیدوں کو سنجیدگی سے لیا اور اپنا وزن کم کیا اور اپنے اسٹائل پر کام کیا۔ یاد رہے کہ آنجہانی اداکار سدھارتھ شکلا بگ باس۱۳؍کے فاتح تھے۔ 

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK