جنوبی افریقہ کے خلاف تین ون ڈے میچوں کی سیریز میں شاندار کارکردگی کے بعد ہندوستانی اسٹار بلے باز وراٹ کوہلی آئی سی سی کی تازہ ون ڈے بیٹنگ رینکنگ میں دو درجے ترقی پا کر دوسرے نمبر پر پہنچ گئے ہیں۔

جنوبی افریقہ کے خلاف تین ون ڈے میچوں کی سیریز میں شاندار کارکردگی کے بعد ہندوستانی  اسٹار بلے باز وراٹ کوہلی آئی سی سی کی تازہ ون ڈے بیٹنگ رینکنگ میں دو درجے ترقی پا کر دوسرے نمبر پر پہنچ گئے ہیں۔
تازہ جاری کردہ رینکنگ کے مطابق کوہلی اب صرف روہت شرما سے پیچھے ہیں، جو آسٹریلیا کے خلاف ایک سنچری اور ایک نصف سنچری کی بدولت پہلی مرتبہ ون ڈے بیٹنگ رینکنگ میں سرفہرست پہنچے تھے اور اب بھی نمبر ون کی پوزیشن پر برقرار ہیں۔ روہت نے جنوبی افریقہ سیریز میں مجموعی طور پر۱۴۶؍ رنز اسکور کیے، جبکہ کوہلی نے دو سنچریوں اور ایک نصف سنچری کی مدد سے۳۰۲؍ رنز بنائے اور پلیئر آف دی سیریز قرار پائے۔ہندوستان کے شبھ من گل اور شریاس ایّر بھی ٹاپ ۱۰؍ میں شامل ہیں۔ گل پانچویں اور ایّر دسویں نمبر پر موجود ہیں۔ وکٹ کیپر بلے باز کے ایل راہل دو درجے بہتری کے ساتھ۱۲؍ ویں مقام تک آگئے ہیں۔

Virat Kohli felt close to his very best during the recent ODI series win against South Africa 👊#INDvSA

More ➡️ https://t.co/l5OJkkhZVw pic.twitter.com/HY7CfulMCJ

— ICC (@ICC) December 7, 2025

بولنگ رینکنگ میں بھی  ہندوستان  کے کلدیپ یادو تین درجے ترقی کے ساتھ تیسرے نمبر پر پہنچ گئے ہیں۔پہلے ٹی ۲۰؍ کے بعد اکشر پٹیل دو درجے بہتری سے ۱۳؍ویں، عرشدِیپ سنگھ تین درجے بڑھ کر ۲۰؍ویں اور جسپریت بمراہ چھ درجے ترقی کے ساتھ ۲۵؍ویں مقام پر پہنچ گئے ہیں۔اس کے علاوہ پاکستان کے بابر اعظم کی چھٹی پوزیشن برقرار ہے۔ 

یہ بھی پڑھئے:نیویارک ٹائمز نے شاہ رخ خان کو دنیا کے سب سے زیادہ اسٹائلش لوگوں کی فہرست میں شامل کیا

ون ڈے بولرس میں افغانستان کے راشد خان کا پہلا نمبر ہے جب کہ پاکستان کے ابرار احمد کی۹؍ویں پوزیشن برقرار ہے، شاہین شاہ آفریدی ۲؍ درجے ترقی کے بعد ۱۹؍ویں نمبر پر آگئے، حارث رؤف کو بھی ایک درجہ ترقی کے بعد۲۲؍واں نمبر مل گیا۔

یہ بھی پڑھئے:دہلی: کھلے عام کوڑا جلانے پر ۵؍ ہزار روپئے جرمانہ، کوئلہ، لکڑی کے تندور پرپابندی

دوسری جانب، جنوبی افریقی بیٹر ڈیوالڈ بریوس تین درجے بہتری سے ٹی۲۰؍ بیٹنگ رینکنگ میں آٹھویں نمبر تک پہنچ گئے۔ ایشیز میں لگاتار دو ٹیسٹ میں پلیئر آف دی میچ رہنے والے آسٹریلیائی فاسٹ بولر مشیل  اسٹارک بھی شاندار چھلانگ لگاتے ہوئے ٹیسٹ بولنگ رینکنگ میں تین درجے ترقی کے ساتھ تیسرے مقام پر پہنچ گئے  جو ان کے کریئر کی بہترین رینکنگ ہے۔ اسٹارک نے پہلے دو ٹیسٹ میچوں میں مجموعی طور پر ۱۸؍ وکٹ حاصل کئے۔