امراوتی میں واقع میل گھاٹ ٹائیگر ریزرو کے ایک حصے کے طور پر اسے ۱۹۷۴ء میں قائم کیا گیا تھا، یہاں متعدد قسم کے جنگلی جانور اور درخت ہیں۔

گوگامل نیشنل پارک ہندوستان کےبڑےنیشنل پارکوں میں سے ایک ہے جوامراوتی ضلع میں واقع ہے۔ یہ پارک میلگھاٹ ٹائیگر ریزرو کا ایک حصہ ہےجسے پروجیکٹ ٹائیگر کے تحت ۷۴۔ ۱۹۷۳ءمیں ٹائیگر ریزرو قرار دیا گیا تھا۔ پارک کا کل رقبہ تقریباً ۲۳۶ء۲۸؍کلومیٹرہے۔ میل گھاٹ ٹائیگر ریزرو کے ایک حصے کے طورپر، گوگامل نیشنل پارک بڑی تعدادمیں سیاحوں کو راغب کرتا ہے۔ یہ مہاراشٹر کا واحد پارک ہےجہاں شیر اب بھی موجود ہیں۔ گوگامل نیشنل پارک ست پوڑہ پہاڑی سلسلے کے اندر واقع ہے جسے گویل گڑھ پہاڑی بھی کہا جاتا ہے۔ یہ پارک مہاراشٹر میں دیکھنے کے لیے سب سےمشہور جنگلی حیات کے محفوظ مقامات میں سے ایک ہے، جو ہر سال ہزاروں سیاحوں کی میزبانی کرتا ہے۔ 
گوگامل نیشنل پارک کی تاریخ
گوگامل نیشنل پارک پہلی بار۱۹۷۴ءمیں پروجیکٹ ٹائیگر کے ڈائریکٹوریٹ کےتحت میلگھاٹ ٹائیگر ریزرو کے طور پر قائم کیا گیا تھا۔ میل گھاٹ ٹائیگر ریزرو کا افتتاح۲۲؍فروری۱۹۷۴ءکواس علاقےکے ماحولیاتی نظام کو محفوظ کرنے کی پہل کے طور پر کیا گیا تھا۔ 
گوگامل نیشنل پارک میں حیاتیاتی تنوع
گوگامل نیشنل پارک، میل گھاٹ کے علاقے کی ناہموار پہاڑیوں سےگھرا ہواہے۔ این، ٹیکٹونا گرینڈس، لینڈیا، تیواس، اولا، دھاواڈا اور کسم یہاں پائے جانے والے اہم درخت ہیں۔ ان کےعلاوہ گوگامل نیشنل پارک کے آس پاس کاعلاقہ دواؤں کی اہمیت کےحامل پودوں کی وسیع اقسام کے لیے مشہورہےجو علاقے کے آس پاس اگتے ہیں۔ یہاں کل۹۰؍مختلف قسم کے درخت، ۵۶؍ بیلیں، ۳۰۰؍سے زائد جڑی بوٹیوں کی اقسام اور۷۵۰؍سےزائد پودوں کی اقسام ہیں جو یہاں آنے والے سیاحوں کو مسحور کر دیتے ہیں۔ 
گوگامل نیشنل پارک یا میل گھاٹ ٹائیگر ریزرو، جو۳۶۱ء۲۸؍ کلومیٹرپرپھیلا ہوا ہے، اپنے جنگلی حیات کے تنوع کے لیے کافی مشہورہے۔ یہاں پائے جانے والے اہم جنگلی جانوروں میں بنگال ٹائیگر، ریچھ، اُسوری ڈھول، ہندوستانی گیدڑ، دھاری دار ہائینا، ہندوستانی چیتا، چوسنگا، سمبر (کرہ ارض کا سب سے بڑا ہرن سمجھا جاتا ہے)، گور، بھونکنے والا ہرن، ریٹل سانپ، مکاک، اڑنے والا ہرن، گلہری، چیتل (ہرن کی ایک ذیلی نسل)، نیل گائے، ازدہا، ریشس بندر اور لنگور شامل ہیں۔ 
گوگامل نیشنل پارک کے پرکشش مقامات
کورکو قبائلی ثقافت:جو لوگ نئی ثقافت کے بارے میں جاننے میں دلچسپی رکھتےہیں وہ کورکو قبائلی ثقافت کے بارے میں جاننےاور یہاں تک کہ ان کے طریقوں اور روایات کا مطالعہ کرنے کے لیے گوگامل نیشنل پارک کا دورہ کر سکتے ہیں۔ 
جنگل سفاری:جنگل سفاری سنسنی کے متلاشی سیاحوں کی توجہ کا مرکز رہتی ہے، جس کے بغیر گوگامل نیشنل پارک کا سفر ادھورا رہتاہے۔ اس سفاری میں آپ کو گھنے جنگلات سے گزرنے اور مختلف جنگلی حیات کو قریب سے دیکھنے کاموقع ملتا ہے۔ اسی لیے جب بھی آپ گوگامل کی سیر پر آئیں، جنگل سفاری سے لطف اندوز ہونے سے محروم نہ ہوں۔ جنگل سفاری کے علاوہ، آپ ٹریکنگ، کیمپنگ، فوٹو گرافی، پرندوں کو دیکھنا وغیرہ جیسی بہت سی دوسری سرگرمیوں سے بھی لطف اندوز ہو سکتے ہیں۔ 
دیگر مقامات:وگامل نیشنل پارک کےپاس دیگر کئی اہم مقامات ہیں جیسے مکلا، گاول گڑھ فورٹ، بھوت کھورا، نارانلا فورٹ، بھیم کنڈ، چکل دھرا اور پنچبول پوائنٹ جہاں آپ جا سکتے ہیں۔ 
گوگامل نیشنل پارک کیسے جائیں ؟
سڑک کے ذریعہ:سڑک کا جال گوگامل نیشنل پارک کو تمام اہم مقامات اورشہروں سے اچھی طرح سےجوڑتاہے۔ بہت ساری سرکاری (مہاراشٹراسٹیٹ روڈ ٹرانسپورٹ کارپوریشن، ایم ایس آر ٹی سی) کی بسیں وقفے وقفے سے نیشنل پارک جاتی ہیں۔ بس کے علاوہ، آپ اپنی ذاتی کار یا ٹیکسی بک کر کے بھی آسانی سے یہاں جا سکتے ہیں۔ 
ٹرین کے ذریعے:گوگامل نیشنل پارک میں ٹرین سے سفر کرنے کیلئے براہ راست ریل کا رابطہ نہیں ہے۔ بڈنیرا/امروتی ریلوے اسٹیشن پارک کا قریب ترین ریلوے اسٹیشن ہے جو گوگامل نیشنل پارک سے تقریباً۱۱۰؍کلومیٹر کے فاصلے پر واقع ہے۔ آپ سٹیشن کے باہر دستیاب ٹیکسی یا بس کے ذریعے گوگامل نیشنل پارک جا سکتے ہیں۔