مافوق الفطرت حالات سے دوچار ایک صحافی کےحالات زندگی،اس نے جیسے کام کئے اب وہی اس کے سامنے آرہے ہیں۔

دھوتھا(دوت)(Dhootha)
اسٹریمنگ ایپ :امیزون پرائم ویڈیو(۸ ؍ ایپی سوڈ)
اسٹار کاسٹ:ناگا چیتنیا،پاروتی تھیرووتھو،پراچی دیسائی، پریا بھوانی شنکر، پاسوپتھی، روہینی،ترون بھاسکر، روندر وجے۔
ہدایت کار:وکرم کمار
رائٹر: وکرم کمار، وینکٹ پتی، پورن پرگنا، سری پال ریڈی، نوین جارج تھامس،دونڈاپتی وینکٹیش
موسیقی: ایشان چھابرا
پروڈیوسر:وکرم کمار، شرت مرار
کاسٹیوم:انوشا پنجلا 
ایڈیٹنگ:نوین نولی
ریٹنگ: **

 ناگا چیتنیا نے پرائم ویڈیو پراسٹریم ہونے والی مافوق الفطرت تھریلر ویب سیریزدھوتھا‘ کے ساتھ او ٹی ٹی پر اپنے سفر کا آغاز کیا ہے۔یہ سیریز ایک بدعنوان صحافی ساگرپر مرکوز ہے، جس کی زندگی اس وقت ایک تاریک موڑ لے لیتی ہے جب وہ دل دہلا دینے والے سانحات کی پیشین گوئی کرنے والے اخبار کی کٹنگ دیکھنا شروع کرتا ہے۔اسے اپنے پیاروں کو بچانے اور قتل کی گتھیاں سلجھانےکے لئےوقت سے لڑنا پڑتاہےکیونکہ وہ اہم ملزم بن جاتا ہے۔ وکرم کےکمارکی تخلیق کردہ،’دھوتھا‘میں پراچی دیسائی، پاروتی تھرووتھو اور ستھیا پریہ بھوانی شنکر بھی ہیں۔
کہانی: وکرم کمار کی ویب سیریز دھوتھا( دوت یعنی پیغام رساں ) ساگر ورما اوودوری(ناگا چیتنیا)کے گرد گھومتی ہے جو ایک معروف نوجوان صحافی ہیں جنہوں نے حال ہی میں نئےاخبار سماچارکےچیف ایڈیٹر کا عہدہ سنبھالاہے۔بنیادی طور پر داغدار، ساگرصحافت کو محض ایک کاروباری ٹول کے طور پر دیکھتا ہے اور دولت جمع کرنے کیلئے کسی بھی حد تک جانے کو تیار ہے، چاہے اس میں غلط معلومات پھیلانا ہو یااپنے اسپانسرز کے کہنے پر مضامین لکھنا۔ 
 تاہم، اس کی زندگی ایک رات ایک موڑ لیتی ہے جب ایک المناک حادثہ اس کے پالتوکتے کی جان لے لیتا ہے۔ اس واقعے میں جو چیز ایک خوفناک عنصر کو جوڑتی ہے وہ یہ ہے کہ ساگر کو اس واقعےکی پیشگی اطلاع ایک اخبار کی کٹنگ کے ذریعے ملی تھی جو اس کے پیش آنے سے عین قبل ایک عوامی مقام پر پائی گئی تھی۔ اس کے بعد اس کی زندگی میں بدقسمت واقعات کا ایک سلسلہ سامنے آتا ہے، جن کےبارے میں اسے اخباری تراشوں کے ذریعے پیشگی خبر دی گئی تھی جو اسےبے ترتیب جگہوں پر ملے تھے۔اس معلومات کے باوجود، وہ ان لمحات میں خود کو بے اختیارپاتا ہے اور اپنے عزیزوں کے بتدریج کھو جانے کا مشاہدہ کرتا ہے۔
 دریں اثناء ساگر کےپرانے دوست اور ساتھی چارلس (سری کانت مرلی) زندگی کو بدلنے والے ایسے ہی واقعات کا تجربہ کرتا ہے جس کے نتیجے میں وہ اپنی جان لے لیتا ہے۔ ڈی سی پی کرانتی شینائے(پاروتی تھرووتھو)نےچارلس کی موت کی تحقیقات کا آغاز کیا اور ساگر اور خودکشی کے درمیان بالواسطہ تعلق کا پردہ فاش کیا۔ جیسے جیسے یہ سیریز آگے بڑھتی ہے، ساگر بڑھتے ہوئےسانحات کا سامنا کرتاہے اور افسوسناک حرکتوں کا ایک سلسلہ بن جاتاہے جس سے کرانتی اپنی توجہ مبذول کر لیتی ہے۔شو کا بقیہ حصہ ساگر کی زندگی میں رونما ہونے والے واقعات، اخبار کی پراسرار کٹنگز اور کرانتی کی ہر چیزکےپیچھے کی حقیقت کو کھولنے کی کوششوں پر روشنی ڈالتا ہے۔ یہ شو روایتی اچھے صحافی بمقابلہ برے صحافی کے مباحثے میں الجھاہے، اس بات پر زور دیتا ہے کہ صرف لالچ ہی ہے جس سے بچنا ہے۔
اداکاری: تقریباً پورا وقت اسپاٹ لائٹ میں رہنے کے باوجود، ناگا چیتنیا ایک اچھی اداکاری کا مظاہرہ کرنے میں ناکام رہے۔ جب کہ وہ مختلف لمحات میں حقیقی طور پر کوشش کرتے نظر آتےہیں۔ دوسری جانب، پریا بھوانی شنکر، ساگر کی بیوی کے کردار میں ، خاص طورپر اختتام کی طرف اچھی اداکاری کا مظاہرہ کرتی ہیں۔ اگرچہ پراچی دیسائی کی کارکردگی اچھی ہے لیکن ان کے کردار کو ایک خاص نقطہ کے بعد کم استعمال کیا گیاہے۔ ترون بھاسکر، جے پرکاش اور پاسوپتی نےبھی قابل ستائش پرفارمنس پیش کی ہے۔
نتیجہ: دھوتھا ایک ایسی ویب سیریز ہےجہاں ویب سیریز بنانے والوں کے ذریعہ اس کی حقیقی صلاحیت کو پوری طرح استعمال کرنے میں ناکامی کی وجہ سےایک دلچسپ پلاٹ متاثرہوتا ہے جس کے نتیجے میں یہ ویب سیریز اتنی اچھی نہیں جتنی ہوسکتی تھی۔