امریکی ریاست کیلیفورنیا کی یونیورسٹیوں کے ہزاروں اساتذہ اور کارکن بڑھتی ہوئی مہنگائی کیخلاف اور ا س کے مطابق تنخواہوں میں اضافے کیلئے ہڑتال پر ہیں جس سے بہت سے طلبہ اور اساتذہ کی مشکلات میں اضافہ ہوگیا ہے ۔
EPAPER
Updated: November 16, 2022, 11:57 AM IST | Agency | Los Angeles
امریکی ریاست کیلیفورنیا کی یونیورسٹیوں کے ہزاروں اساتذہ اور کارکن بڑھتی ہوئی مہنگائی کیخلاف اور ا س کے مطابق تنخواہوں میں اضافے کیلئے ہڑتال پر ہیں جس سے بہت سے طلبہ اور اساتذہ کی مشکلات میں اضافہ ہوگیا ہے ۔
امریکی ریاست کیلیفورنیا کی یونیورسٹیوں کے ہزاروں اساتذہ اور کارکن بڑھتی ہوئی مہنگائی کیخلاف اور ا س کے مطابق تنخواہوں میں اضافے کیلئے ہڑتال پر ہیں جس سے بہت سے طلبہ اور اساتذہ کی مشکلات میں اضافہ ہوگیا ہے ۔ میڈیارپورٹس کے مطابق پیر سے امریکی ریاست کیلیفورنیا کی مختلف یونیورسٹیوں کے محققین، پروفیسرز، تدریسی معاونین اور دیگر ملازمین نے امریکی تاریخ میں یونیورسٹی ملازمین کی سب سے بڑی ہڑتال شروع کی جس سے کیلیفورنیا کی یونیورسٹیوں میں تدریسی سرگرمیاں معطل ہونے کا اندیشہ ہے۔ الجزیرہ کی رپورٹ کے مطابق اس ہڑتال میں یونیورسٹیوں سے وابستہ ۴۸؍ ہزار افراد شامل ہیں۔ یہ ہڑتال ایک ایسے وقت میں ہو رہی ہے جب امریکہ میں ملازمت پیشہ افراد میں بے چینی بڑھ رہی ہے۔ واضح رہےکہ دیگر ممالک کی طرح امریکہ بھی کورونا کے بعد سےسنگین معاشی بحران کا سامنا کررہا ہے۔ ہڑتال میں شامل اساتذہ اورکارکنوں نے مہنگائی کے اعتبار سے تنخواہ میں اضافہ، معذور ملازمین کیلئے مزید سہولیات اور طلبہ کی مراعات میں اضافہ کا مطالبہ کیا ۔ اہم بات یہ ہےکہ کیلیفورنیا ٹیچرز اسوسی ایشن اور دیگر مزدور یونینوں نے اس ہڑتال کی حمایت کی ۔