مرنے والوں میں ۷؍ طلبہ کے ساتھ ساتھ ا یک ٹیچر اور ایک سیکوریٹی گارڈ بھی شامل ہے ۔ سیکوریٹی گارڈ نے بڑے سانحہ سے بچایا

یورپی ملک سربیا کے شہر بلغراد میں واقع ہائی اسکول  میں ایک طالب علم نے اندھا دھند فائرنگ کردی جس کے نتیجے میں ایک سیکورٹی گارڈ اور ایک ٹیچر سمیت۹؍ ا فراد ہلاک ہوگئے  ۔ اس حملے سے ملک میں غم کا ماحول ہے ۔ 
 میڈیارپورٹس  کے مطابق  پیر کو سربیا کے دارالحکومت بلغراد کے ایک اسکول میں فائرنگ کا  واقعہ پیش آیا جس میں۱۴؍ سالہ لڑکے نے اندھا دھند فائرنگ کرکے۹؍افراد کو  موت کے گھاٹ اتار دیا۔رپورٹ کے مطابق فائرنگ کا واقعہ صبح کے وقت بلغراد کے شہر وراکار ضلع کے ایک ایلیمنٹری اسکول میں پیش آیا پولیس نے  حملہ کرنے کے شک میں ایک نوعمر طالب علم کو حراست میں لے لیا ہے۔بلغراد  کے وراکار ضلع کے صدر میلان نیڈلجکو وچ نے میڈیا کو بتایا کہ اسکول کے  سیکوریٹی گارڈ نے ممکنہ طور پر خود کو حملہ آور کے سامنے رکھ کر مزید افرا د کو ہلاک ہونے سے بچا لیا۔انہوں نے کہا کہ گارڈ سانحہ کو روکنا چاہتا  تھا اور وہ حملہ آور کا پہلا شکار تھا، انہوں نے مزید کہا کہ شاید یہ سانحہ  اور بھی بڑا ہوتا اگر وہ مسلح لڑکے کے سامنے کھڑا نہ ہوتا۔ دوسری طرف اس سانحہ پرعوام نے غم وغصہ کا اظہار کیا ۔