سیبی نے کہا کہ کچھ آن لائن پلیٹ فارم سونے میں سرمایہ کاری کے آسان آپشن کے طور پرڈجیٹل گولڈ یا `ای گولڈ کو فروغ دے رہے ہیں۔

ہندوستانی مارکیٹ ریگولیٹرسیبی  نے سرمایہ کاروں کو خبردار کیا ہے کہ وہ ڈجیٹل گولڈ یا ای گولڈ پروڈکٹس کے ساتھ احتیاط برتیں جو کچھ آن لائن پلیٹ فارمز کی طرف سے فروغ دی جاتی ہیں۔ سیبی  نے کہا کہ یہ مصنوعات سیبی  کے دائرہ کار میں نہیں آتی ہیں۔ سیبی نے کہا کہ کچھ آن لائن پلیٹ فارم سونے میں سرمایہ کاری کے لیے ایک آسان آپشن کے طور پر ڈجیٹل گولڈ  یا ای-گولڈ کو فروغ دے رہے ہیں۔سیبی  نے واضح کیا کہ اس طرح کے ڈجیٹل گولڈ پروڈکٹس سیبی  کی طرف سے ریگولیٹڈ گولڈ اسکیموں سے بالکل مختلف ہیں۔ انہیں نہ تو سیکورٹیز کے طور پر مطلع کیا جاتا ہے اور نہ ہی کموڈٹی ڈیریویٹوز (فیوچر ٹریڈنگ) کے تحت آتے ہیں۔ لہٰذا، وہ سیبی  کے ریگولیٹری دائرہ سے باہر ہیں۔
سیبی  نے خبردار کیا کہ سونے کی ان ڈجیٹل مصنوعات میں سرمایہ کاری سرمایہ کاروں کو اہم خطرات سے دوچار کر سکتی ہے، جیسے کاؤنٹر پارٹی اور آپریشنل خطرات۔ریگولیٹر نے یہ بھی واضح کیا کہ  سیبی کی طرف سے ریگولیٹڈ انویسٹمنٹ پروڈکٹس پر لاگو ہونے والے سرمایہ کاروں کے تحفظ کی دفعات ایسی غیر منظم ڈجیٹل گولڈ اسکیموں پر لاگو نہیں ہوں گی۔ سیبی  نے کہا کہ سونے میں سرمایہ کاری کرنے کے خواہشمند سرمایہ کارسیبی  کے زیر انتظام اختیارات کے ذریعے ایسا کر سکتے ہیں۔ ان میں گولڈ ایکسچینج ٹریڈڈ فنڈز (گولڈ ای ٹی ایفز) شامل ہیں جو میوچوئل فنڈز کے ذریعے دستیاب ہیں، ایکسچینج ٹریڈیڈ کموڈٹی ڈیریویٹیو کنٹریکٹس، اور الیکٹرانک گولڈ رسیدیں (ای جی آر) جنہیں اسٹاک ایکسچینج میں خریدا اور بیچا جا سکتا ہے۔
سیبی  نے یہ بھی کہا کہ ان تمام مصنوعات میں سرمایہ کاری رجسٹرڈ فروخت کنندگان  کے ذریعے کی جا سکتی ہے اور یہ تمام مصنوعات  سیبی  کے مقررہ ریگولیٹری فریم ورک کے تحت آتی ہیں۔
ڈجیٹل گولڈ کیا ہے؟
ڈجیٹل گولڈ ایک ایسی سہولت ہے جہاں آپ آن لائن سونا خریدتے ہیں، لیکن یہ سونا درحقیقت محفوظ والٹس میں رکھا جاتا ہے۔ اس کا مطلب ہے کہ آپ کی سرمایہ کاری کو اصلی سونے کی حمایت حاصل ہے۔ آپ اسے بعد میں زیورات یا سونے کے سکوں کی شکل میں نکال  سکتے ہیں۔

یہ بھی پڑھئے:کیوں ٹیک کمپنیاں لاکھوں ہندوستانیوں کو پریمیم اے آئی ٹولز مفت میں پیش کر رہی ہیں۔

آپ ڈجیٹل سونا کہاں سے خرید سکتے ہیں؟
آپ ڈجیٹل سونا خریدنے کے لیےفون پے، گوگل پے اور پے ٹی ایم  جیسے مشہور پلیٹ فارم استعمال کر سکتے ہیں۔ یہ سہولت سیف گولڈ، کیریٹ لین، تانیشق اور ایم ایم ٹی سی پیمپ  جیسی ویب سائٹس پر بھی دستیاب ہے۔
قواعد و ضوابط اور ٹیکس کے تحفظات
سیکورٹیز اینڈ ایکسچینج بورڈ آف انڈیا (سیبی ) کے ایک حالیہ نوٹیفکیشن کے مطابق، ڈجیٹل گولڈ فی الحال سیبی  کے سرمایہ کاروں کے تحفظ کے ضوابط کے تابع نہیں ہے۔ اس کا مطلب ہے کہ اس میں سرمایہ کاری کرتے وقت احتیاط ضروری ہے۔اس کے علاوہ ڈجیٹل گولڈ پر جی ایس ٹی لاگو ہوتا ہے۔ اگر آپ اسے بیچتے ہیں تو آپ کو کیپٹل  گین ٹیکس اور شارٹ ٹرم گین ٹیکس بھی ادا کرنا پڑ سکتا ہے۔