ٹاٹا انٹرپرائز کی ایف ایم سی جی کمپنی بگ باسکیٹ نے اپنے نئے برانڈ پریسیا کیلئے مشہور شیف سنجیوکپور کو سفیر اور شراکت دار بنایا ہے۔ کمپنی کے شریک بانی اور چیف ایگزیکٹیو آفیسر ہری مینن نے اس کا اعلان کیا۔ 

ٹاٹا انٹرپرائز کی ایف ایم سی جی کمپنی بگ باسکیٹ نے اپنے نئے برانڈ پریسیا کیلئے مشہور شیف سنجیوکپور کو سفیر اور شراکت دار بنایا ہے۔ کمپنی کے شریک بانی اور چیف ایگزیکٹیو آفیسر ہری مینن نے اس کا اعلان کیا۔ 
اعداد و شمار کے مطابق ہندوستان کافروزن فوڈ سیکٹر اگلے ۵؍برسوں میں۵ء۴؍ بلین ڈالرس تک پہنچنے کا تخمینہ ہے۔اس رجحان کو تسلیم کرتے ہوئے بگ باسکیٹ  نے پریسیا کے  ذریعے صارفین کو صحت مند، لذیذ، کیمیکل سے پاک کھانے فراہم کرنے کیلئے  سنجیوکپور سے ہاتھ ملایا ہے۔
 لانچ  کے وقت  ہری مینننے کہاکہ ’’پریسیا کا آغاز ڈیڑھ سال پہلے ریسیپی ٹرائلز اور ٹیسٹنگ کے وسیع عمل کے بعد ہوا تھا۔ شیف سنجیو کپور کے ساتھ ہماری شراکت صارفین کی ابھرتی ہوئی ضروریات کو پورا کرنے اور مارکیٹ کے نئے مواقع سے فائدہ اٹھانے کی طرف ایک فیصلہ کن قدم تھا۔ شیف کپور کی پکوان کی مہارت کو بگ باسکیٹ کے مضبوط انفراسٹرکچر کے ساتھ ملا کر، ہم فروزن فوڈ کے شعبے میں انقلاب لانے کیلئے تیار ہیں۔۲۰۲۶ء تک آن لائن فروخت میں۱۰۰؍ کروڑ روپے کا ہمارا ہدف ہے۔ 
شیف سنجیو کپور نے کہاکہ پریسیا محبت کی محنت ہے، جہاں ہر ایک پروڈکٹ میرے پکوان کے سفر کا جوہر رکھتی ہے۔ ہم نے ذائقہ اور غذائی قدر کی صداقت کو برقرار رکھنے کیلئے  ذاتی نوعیت کے فوری منجمد کرنے کی طاقت کا استعمال کیا ہے۔  بگ باسکیٹ کی وسیع رسائی اور میرے پکانے کے وژن کے ساتھ ہمارا مقصدپریسیا کو ایک گھریلو نام بنانا ہے۔