سمیوکت کسان مورچا نے آج الزام عائد کیا کہ کسانوں کے خلاف ہریانہ پولیس کی کارروائی کے دوران ۲۱ ؍ سالہ نوجوان کسان شبھ کرن سنگھ کی موت کی ذمہ دارمکمل طور پر مرکزی حکومت ہے۔ شبھ کرن سنگھ کے اہل خانہ اور کسانوں کے گروپ نے حکومت کی جانب سے کوئی بھی کارروائی ہونے سے قبل ان کی لاش لینے سے انکار کیا ہے۔ پنجاب کے وزیر اعلیٰ بھگونت مان نے شبھ کرن سنگھ کی موت پر افسوس کا اظہار کیا ہے اور قانونی کارروائی کی یقین دہانی کروائی ہے۔ راہل گاندھی نے بھی شبھ کرن کے اہل خانہ سے اظہار تعزیت کی۔

بدھ کو سمیوکت کسان مورچہ نے الزام عائد کیا کہ کسانوں کے خلاف ہریانہ پولیس کی کارروائی کے نتیجے میں ہلاک ہونے والے ۲۱؍ سالہ نوجوان کسان کی موت کیلئے ممرکزی حکومت مکمل طور پر ذمہ دار ہے۔ مہلوک کی شناخت شبھ کرن سنگھ کے طور پر کی گئی ہے، جس کا تعلق  بھٹنڈہ ضلع سے تھا، جس کی موت ہریانہ پولیس کی فائرنگ کے دوران گولی لگنے اور سرپر چوٹ لگنے کے سبب ہوئی ہے۔سنگھ کے خاندان اور کسانوں کے گروہ نے حکومت کی جانب سے کاررووائی کرنے سے قبل اس کی لاش لینے سے انکار کر دیا ہے۔ ہندوستان ٹائمس کے مطابق سنگھ، ایک چھوٹا زمیندار تھا، وہ اپنے خاندان کی کفالت کرتا تھا جن میں اس کے دماغی طور پر بیمار والد بھی شامل ہیں۔ واضح رہے کہ آج سمیوکت کسان مورچہ نے اپنی نیشنل کارڈینیشن کمیٹی اور جنرل باڈی کی میٹنگ طلب کی ہے تا کہ وہ معاملات پر گفتگو کرسکیں اور آگے کا لاحہ عمل تیارکر سکیں۔
جگتر سنگھ بجوا، جو سمیوکت کسان مورچا کے ترجمان ہیں، نے ٹائمس آف انڈیا کو بتایا کہ یہ کسان خاندانوں کے ذریعہ معاش پر خطرناک حملہ ہے۔وہ کسان جو وزیر اعظم نریندر مودی سے اپنے مطالبات منوانے کیلئے پر امن طریقے سے احتجاج کر رہے ہیں۔انہوں نے مزید کہا کہ حکومت کا دسمبر ۲۰۲۱ء کے ایگری مینٹ کو نافذ نہ کرنا ان سب کیلئے مکمل طور پر ذمہ دار ہے۔

آندولن کے دوران ایک کسان کو دیکھا جاسکتا ہے۔ تصویر: پی ٹی آئی

پنجاب کے وزیر اعلیٰ بھگونت مان کا اظہار افسوس، قانونی کارروائی کرنے کی یقین دہانی 
پنجاب کے وزیر اعلیٰ بھگونت مان نے بھی نوجوان کسان شبھ کرن سنگھ کی موت پر اظہار افسوس کیا۔ انہوں نے یقین دہانی کروائی ہے کہ سنگھ کی موت پر قانونی کارروائی کی جائے گی۔افسران اور جو بھی افراد شبھ کرن سنگھ کی موت کیلئے ذمہ دارہیں ان کے خلاف کارروائی کی جائے گی۔

CM @BhagwantMann condoned the sad & untimely demise of 21-year old Shubhkaran. He assured to extend complete support to the bereaved family members & said that case will be registered & erring officials or individuals responsible for Shubhkaran’s death will face severe action. pic.twitter.com/PPD6t2l7PP

— CMO Punjab (@CMOPb) February 21, 2024

ایک دن تاریخ بی جے پی سے کسانوں کے قتل کا حساب مانگے گی: راہل گاندھی 
کانگریس کے لیڈرراہل گاندھی نے شبھ کرن سنگھ کی موت پر ان کے خاندان سے اظہار افسوس کیا ہے اور وزیر اعظم نریندر مودی کو کسانوں کے مطالبات کو ٹھکرانے کیلئے ذمہ دار ٹھہرایا ہے۔
گاندھی نے ایکس پر لکھا ہے کہ پچھلی مرتبہ مودی کا گھمنڈ ۷۰۰؍کسانوں کی جانیں جانے کے بعد ہی مطمئن ہوا تھا۔ اب پھر یہ معاملہ ان کی جان کا دشمن بن گیا ہے۔ایک دن تاریخ بی جے پی سے کسانوں کے قتل کا حساب ضرور مانگیں گی جو اس دوستانہ میڈیا کے پیچھے چھپا ہوا ہے۔

खनौरी बॉर्डर पर युवा किसान शुभकरण सिंह की फायरिंग में मौत की खबर हृदयविदारक है, मेरी संवेदनाएं उनके परिवार के साथ हैं।

पिछली बार 700 से अधिक किसानों का बलिदान लेकर ही माना था मोदी का अहंकार, अब वो फिर से उनकी जान का दुश्मन बन गया है।

मित्र मीडिया के पीछे छिपी भाजपा से एक दिन… pic.twitter.com/Gq8igo757S

— Rahul Gandhi (@RahulGandhi) February 21, 2024

جمہوریت میں پر امن احتجاج کو گولیوں کا سامنا کرنا پڑتا ہے: سکھبیر سنگھ
اس دوران شرمنی اکالی دل کے چیف سکھبیر سنگھ بادل نے بدھ کو ہریانہ پولیس کو پنجاب کے مظاہرین کے خلاف ضرورت سے زیادہ طاقت استعمال کرنے کی اجازت دینے پرذمہ دار ٹھہرایا۔
انہوں نے کہا کہ ایک اور ریاست کی پولیس نے پولیس کو پنجاب کی سرزمین پر پنجاپیوں پر حملہ اور قتل کی اجازت دے دی ہے۔بھگونت مان کسانوں کے خلاف کارروائی میں ہریانہ کے ساتھ شامل ہیں۔جمہوریت میں پر امن احتجاج کو گولیوں کا سامنا کرنا پڑتا ہے۔شبھ کرن سنگھ کا معصوم خون بھگونت مان کے ہاتھوں میں ہے۔