بدبو اورتعفن سے مکینوں اورراہ گیروں کاچلنا دشوار، عام آدمی پارٹی نے بی ایم سی میں شکایت کی،سابق کارپوریٹر کی صفائی کی یقین دہانی

مالونی کے علامہ شبلی نعمانی گارڈن ،ہیم گری بلڈنگ (اعظمی نگر) کے سامنے کچرے کا انبار ہے۔ اس کی وجہ سے بدبواورتعفن سے مکینوں اور راہ گیروں کاچلنا دشوار ہے۔ یہاں کھیل کود کا کوئی بڑا میدان نہیںہے بلکہ یہی چھوٹا سا میدان نماگارڈن ہے لیکن گندگی کی وجہ سے لوگ پریشان ہیں۔
لوگوں کی زبانی 
 اسحاق دانش کی دکان اس کے بالکل سامنے ہے،انہوںنے نمائندۂ انقلاب سے بات چیت کرتےہوئےکہاکہ ’’ تقریباً ۲۰؍ دن سے کچرا پڑا ہواہے،اٹھائے نہ جانےکے سبب مزیدسڑ گیا ہے جس سےبدبو میںاضافہ ہوگیا ہے۔بی ایم سی کی جانب سےچھوٹی گاڑی لائی جاتی ہے ،عملہ تھوڑا کچرالےکر خانہ پُری کرکے چلا جاتاہے۔بڑی گاڑی اس لئے نہیںآرہی ہےکہ روڈ کاکام چل رہا ہے۔لیکن چھوٹی گاڑی کے ذریعے ایک سے زائد چکرمیںکچرا اٹھوایا جاسکتاہےجو نہیںکیا جارہا ہے۔‘‘
ہم نے بی ایم سی میںتحریری شکایت کی 
 سینٹ میتھیو انگلش اسکول کی ذمہ دار اور عام آدمی پارٹی کی مقامی یونٹ کی عہدیدار لارزی ڈیسوزا نے بتایاکہ ’’انہوںنے بی ایم سی میں تحریری شکایت کی ہے ا ورلکھا ہے کہ کچرے کے ڈھیرسےعام آدمی کا چلنا دشوار ہے ، لوگ ناک پر رومال رکھ کرگزرتے ہیں، روڈ پرکچرا ڈمپنگ گراؤنڈجیساہوگیاہے،اس سے لوگوں کو فوراً نجات دی جائے ۔‘‘ انہوںنے خط کی کاپی مہیا کرواتے ہوئے یہ بھی کہا کہ ’’اگرفوری طور پر صفائی نہ کروائی گئی تو میں یہاں بینر لگاؤں گی اور پی نارتھ میںبی ایم سی افسران سے ملاقات بھی کروں گی۔‘‘ 
 ۲؍دن پہلے ۸؍ گاڑی کچرا اٹھایا گیا ہے:کارپوریٹر
 سابق مقامی کارپوریٹروریندر چودھری سے پوچھنے، انہیں مسئلہ بتانے اورکچرے کے ڈھیر کی تصویر بھیجنےپران کا کہنا تھا کہ ’’ابھی ۲؍دن قبل ۸؍ گاڑی کچرا اٹھوایا گیا ہے۔ اس پرنمائندے نے کہاکہ اب بھی ۲۰؍ گاڑی وہاںجمع ہے توانہوں نے کہاکہ اتنا نہیںہےکم ہے ،اس کی تصویر بھیجئے۔‘‘ وریندر چودھری نے یہ بھی کہا کہ ’’یہاں روڈکاکام جاری ہے اس لئے کچرے کی بڑی گاڑی آنے کاراستہ نہیںہے چھوٹی گاڑی سے کچرا اٹھوایاجارہا ہے۔‘‘ انہوںنے مزیدکہا کہ ’’جمع کچرا بھی بلاتاخیر اٹھوایا جائے گا ۔‘‘