غزہ میں ایک اسرائیلی فوجی نے سوشل میڈیا پر ایک ویڈیو پوسٹ کیا ہے جس میں اسے قرآن کریم کا نسخہ نذرِآتش کرتے ہوئے دیکھا جا سکتا ہے۔ اس ضمن میں اسرائیل نے تحقیقات کا حکم دیا ہے۔ تاہم، اس نے کسی بھی فوجی کے خلاف کوئی کارروائی نہیں کی ہے۔

غزہ میں ایک اسرائیلی فوجی نے سوشل میڈیا پر ایک ویڈیو پوسٹ کیا جس میں اسے قرآن مجید کے نسخے کو نذرِ آتش کرتے ہوئے دیکھا جا سکتا ہے۔ ویڈیو، جسے اسرائیلی آرمی ریڈیو نے سوشل میڈیا پر پوسٹ کیا ہے، میں دیکھا جا سکتا ہے کہ ایک اسرائیلی فوجی جس کا نام اشاک بزناہ ہے، قرآن کریم کا نسخہ جلا رہا ہے۔ تاہم، اس حوالے سے کوئی معلومات نہیں ہے کہ اس نے یہ مذموم حرکت کب اور کہاں کی ہے۔ 

یہ بھی پڑھئے: میانمار:روہنگیا اداروں کی نقل مکانی روکنے کیلئے عالمی برادری سے کارروائی کی اپیل

بروڈکاسٹر کے مطابق اسرائیلی فوج نےاس معاملے میں تفتیش شروع کی ہے۔ خیال رہے کہ جنگ کے آغاز کے بعد سے اسرائیلی فوجی مسلسل ایسے ویڈیو پوسٹ کر رہے ہیں جن میں انہیں لوٹتے ، جلاتے ، گھروں کو تباہ کرتے ، حراستی قیدیوں پر حملہ کرتے اور دیواروں پر نفرت آمیز پیغام لکھتے ہوئے دیکھا جا سکتا ہے۔ اسرائیل نے اپنے فوجیوں کے خلاف کوئی کارروائی نہیں کی ہے جبکہ صرف اتنا کہا کہ فوجیوں کی حرکت فوج کے اقدار کی خلاف ورزی ہے۔

یہ بھی پڑھئے: کولمبیا: صدر گستاو پیٹرو کا فلسطین کے شہر راملہ میں سفارت خانہ کھولنے کا حکم

غزہ میں اسرائیلی تباہی
خیال رہے کہ اب تک اسرائیلی جارحیت کے نتیجے میں ۳۵؍ ہزار ۶۰۰؍ فلسطینی جاں بحق جبکہ ۸۰؍ ہزار افراد زخمی ہوئے ہیں۔یو این، عالمی برادری اور دیگر ممالک کی اپیل کے باوجود اسرائیل نے رفح میں فوجی آپریشن شروع کیا ہے۔