پرتگال کے عالمی شہرت یافتہ فٹبالر کرسٹیانو رونالڈو نے سعودی عرب میں جاری علاقائی کشیدگی کے درمیان سعودی پرچم والا اسکارف اوڑھ کر ملک سے اپنی وابستگی کا اظہار کیا ہے۔

پرتگال کے عالمی شہرت یافتہ فٹبالر کرسٹیانو رونالڈو نے سعودی عرب میں جاری علاقائی کشیدگی کے درمیان سعودی پرچم والا اسکارف اوڑھ کر ملک سے اپنی وابستگی کا اظہار کیا ہے۔ یہ واقعہ اس وقت پیش آیا جب رونالڈو نے سعودی کلب النصر کی جانب سے ازبکستان کے کلب نیفتچی فرغانہ کے خلاف اے ایف سی چیمپئن لیگ ایلیٹ کے مقابلے میں اپنے کریئر کا ۹۸۱؍ واں گول کیا۔ ریاض میں کھیلے گئے اس مقابلے میں النصر نے۱۔۳؍گول  سے کامیابی حاصل کی۔

⌛️ || Full time, 🙌💛 @AlNassrFC 3:1 #Neftchi https://t.co/cAO22xfis8

— AlNassr FC (@AlNassrFC_EN) October 12, 2026

 میچ سے پہلے رونالڈو نے اپنی جرسی پر موجود سعودی قومی نشان کو چوما جبکہ مقابلہ ختم ہونے کے بعد انہوں نے سعودی پرچم کے رنگوں والا اسکارف اپنے کندھوں پر ڈالا اور النصر کے حامیوں کے ساتھ مشہور ’وائکنگ کلاپ‘ جشن میں حصہ لیا۔ کرسٹیانو رونالڈو کا سعودی عرب سے تعلق اور جذباتی پیغام: النصر کلب نے رونالڈو کی سعودی رنگوں میں تصاویر سوشل میڈیا پر شیئر کرتے ہوئے ان کے سابقہ بیان کو بھی دوبارہ نمایاں کیا، جس میں انہوں نے کہا تھا، ’’میں پرتگالی ہوں، لیکن میرا تعلق مملکت سعودی عرب سے ہے۔‘‘

یہ بھی پڑھئے:رجنی کانت کی ’جیلر ۲‘ ہندی میں بڑے ملٹی پلیکسز پر ریلیز نہیں ہوگی

 یہ بیان انہوں نے جون ۲۰۲۵ء میں النصر کے ساتھ اپنا معاہدہ  ۲۰۲۷ء تک بڑھانے کے بعد دیا تھا، اس لیے اسے موجودہ میچ کے دوران دیا گیا کوئی نیا بیان نہیں سمجھنا چاہیے۔ رونالڈو جنوری ۲۰۲۳ء سے سعودی عرب میں کھیل رہے ہیں اور وہ متعدد مواقع پر اس ملک، یہاں کے عوام اور فٹبال کے مستقبل کے لیے اپنی وابستگی کا اظہار کرچکے ہیں۔ علاقائی کشیدگی کے درمیان رونالڈو کا اقدام: رپورٹس کے مطابق ریاض میں سکیورٹی الرٹ کے باعث النصر اور نیفتچی فرغانہ کے میچ کا آغاز تقریباً ایک گھنٹہ تاخیر سے ہوا۔ ایسے حالات میں رونالڈو کی جانب سے سعودی پرچم والا اسکارف اوڑھنے کے منظر نے خاص توجہ حاصل کی۔

یہ بھی پڑھئے:پونے: ایم پی ایس سی امیدواروں کا احتجاج رنگ لایا

مقابلے میں اینجیلو گیبریئل نے النصر کو برتری دلائی، جبکہ رونالڈو نے ۴۲؍ویں منٹ میں گول کرکے اپنی ٹیم کی پوزیشن مضبوط کی۔ دوسرے ہاف میں نیفتچی فرغانہ نے ایک گول کیا، تاہم حریف ٹیم کے اپنے گول نے النصر کی ۱۔۳؍گول کی کامیابی یقینی بنا دی۔۱۰۰۰؍ گول کے تاریخی سنگ میل سے صرف ۱۹؍ گول دور: اس گول کے ساتھ کرسٹیانو رونالڈو کے کریئر کے مجموعی گولوں کی تعداد ۹۸۱؍ ہوگئی ہے اور وہ ۱۰۰۰؍ گول مکمل کرنے کے تاریخی سنگ میل سے صرف ۱۹؍ گول دور ہیں۔ ۴۱؍ سالہ پرتگالی اسٹار کی کارکردگی، سعودی عرب سے ان کی وابستگی، النصر کی کامیابی اور ان کے ۱۰۰۰؍ گول کے ہدف نے فٹبال شائقین کی توجہ اپنی جانب مبذول کرلی ہے۔